Mberaand 28:3 - NQAARIIT NE ROOG

³ Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

Mberaand 28:3 Referans Kwoze

Mberaand 48:3

Yakoob a laya a Yoseef ee: «Roog o Cegu katil oxe a feeñoor’axam Luus no saax laa Kanaan, soo a barke’aam.

Mberaand 35:11

Roog a layaan ee: «Mi refu Roog o Cegu katil oxe. Xam ci’ong xa ƥiy fo xa taan xa mayu. Saax fa xeet fa muum sax xan a mbaqaqoor na wo, maad a sutoor na wo.

Mberaand 13:16

Xam fi xa taan of a mayit nen pep lanq, a may boo mbaagkaand o lim ne pep lanq a mbaagaandeena o limit.

Mberaand 9:1

Roog a barke’a a Nowe fo xa ƥeem, a lay a den ee: «Ndimikyo, mayƭandik lanq ke.

Mberaand 1:28

Roog a barke’a a den soo a lay a den ee: «Ndimikyo, mayƭand lanq ke, ke ta saqna fop a ref no ɓay nuun: Liƥ ke no maag ole, tiiƭ ke na asamaan fo muumeen ke na ñoowaa took lanq ke, fop no ɓay nuun a ndefkaa.»

Mberaand 43:14

Yaasam Roog o Cegu katil oxe a fi boo o koor oxeene a jeg o liir na nuun, soo a xaƴ o pog faap oxe nuun fa Bensame da nomtooxiid fa nuun! Mi o mat, a soƥangaa yee kaam war o xaajel fo xa ƥees, fat um xaajel fa den.»

Mberaand 41:52

A ne’a o ƭikandeer oxe Efrayim yaam ee Roog a mayƭandaxam kam saax le jegit’uuma naqad.

Mberaand 24:60

A salana a Rebeka yee: «O cigeen in, yaasam o ref ya no cuni-cuni, xa taan of a ngarit fañ den took.»

Mbeeñil 21:22

Ga’iim Mbind Roog leng kam teeru fee, yaam o Yaal oxe Roog fa njegu katil fee refu Mbind Roog um, ten fo o Mbaal onqe.

2 Korint 6:18

Xam ref faap nuun, soo nu ndef xa ƥees, goor fo rew.» Keene o mat o Yaal oxe jegna katil a layu.

A kim a tedu ke 127:3

Xa ƥiy kaa ndef ci’it no Yaal oxe, o rim ole hatna no laaw ke a ref barke fa ngatu no ten.

A sutax ale 6:3

Feeñooxaam a Abraham fa Isaak fa Yakoob nen a ‹ROOG O CEGU-KATIL OXE›, ndaa koy, andnooriim a den ke gon es le refna ‹O YAAL OXE› a tekitna.

A kim a tedu ke 127:1

A kim no ñaañaaƴ we yoo, a fog na ke Salomo. Boo o Yaal oxe a maxeerna mbind ne, we na maxan kaa yaqaa doole den. Boo o Yaal oxe a yetooxeerna teeru fee, oxe na yetooxan kaa yaqaa o ƭaan um.

Mberaand 17:20

No kaa farna na Isma’el koy, nanaaxoong, xam barke’in, ci’in xa taan xa mayu. Xan gelwaar xarɓaxay fo gelwaar ɗik a ngat no ten, too xam fi no ten xeet fa maak.

Mberaand 26:4

Xam mayƭand xa taan of, da mayit nen xa qoor axe na asamaan. Cooxe kene fop, xam ci’in xa taan of, too qeet ke no lanq ke fop na xa taan of a mbarke’itkeel,

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Mberaand 27:33

Maaga, Isaak a dalfooxa o kafkafin yaam ke ta yegna, a sendaa. A laamta yee: «Yaaga boog, an refu oxe waraniidaxama mbuufuɗag, a ɓisiidaam o ten boo um ñaamin, miñee dara o fadiid? Barke’aanum toox de, too xan a barke.»

Mberaand 48:4

Kaa lay’aam ee: ‹Xam ci’ong xa taan xa mayu, ndax um fi’ong o ref o taan xeet fa maak. Saax leeke, xam ci’in xa taan of da njegkin boo faw.›

Mberaand 49:25

Kaam ee, Roog fee na faap of xan a ƴufgiidong, o Cegu katil oxe xan a barke’ong. Yaasam ta fod took-ee-took a barke’tiidong a teƥ fo itam poofi ke na juwaam fee fo xa ƥiy xa mayu fo xa siir xa pagkatar.

A sutax ale 1:7

Kaa koy, Ii-isra’el we a ndimatira, a mayat bo. A ƥaatooxa too a moƴa o njeg doole. Maaga, a suxa saax le fo wiin.

Ruut 2:4

Maaga, Bowaas a inoortiida Betleheem, a gar a simin saasaxad we ten ee: «Yaasam o Yaal oxe a ref fa nuun!» A ndoonaan ee: «Yaasam o Yaal oxe a barke’ong!»