Mberaand 28:2 - NQAARIIT NE ROOG

² Inooxi ret Padan-Araam no mbind Betwel fee faap ya of, o waaƭit o tew a ndeer xa ƥiy xa tew axe Laban fee o camin ya of.

Mberaand 28:2 Referans Kwoze

Mberaand 25:20

Isaak a jeg’a xa kiid qarɓeen nahik ye ta giligna a Rebeka fee o ƥiy Betwel o Aa-araam oxe gen’ina Padan-Araam, too a ref o cigeen Laban o Aa-araam oxe.

Hoose 12:12

Galaad njofaƭar doŋ a fofu, a ref o koohod. Kaa sadaxtaa qoox kam Gilgal. Ten taxu xa sadaxand axe den xan a ndefat nen a cuum a kac na cur ake na xa qol axe.

Mberaand 46:15

Weene ndefu xa ƥiy axe Leya a jegna fa Yakoob kam Padan-Araam, fogreerna fa Dinaa fee o cigeen den. Xa taan um fop oo fop, goor oo rew oo, a ndeeƭa wiin qarɓeen tadik fo wiin daduk.

Mberaand 35:9

Roog a feeñooxahina a Yakoob ye ta nomtoortiidaa Padan-Araam, soo a barke’in.

Mberaand 32:10

Yakoob a laya yee: «Roog fee no taan es Abraham, Roog fee na faap es Isaak, o Yaal oxe wo fee lay’axama yee: ‹Nomtooxi no saax of, no mbaafaap of, too xam fi’anong paax›,

Mberaand 28:5

Isaak a hebla a Yakoob, soo ta ret Padan-Araam maa Laban fee o ƥiy Betwel, o Aa-araam oxe, refna ref o camin Rebeka fee ya Yakoob fa Esawu.

Mberaand 24:50

Laban fa Betwel a ndoona yee: «Keene de no Yaal oxe a hatu, ten taxu i laykirang ii mbaat ha’aa.

Mberaand 24:29

Rebeka koy a jeg’a o camin o ne’e Laban. Laban a sutooxa, a ƴufiid me no koor oxe paam a cur ale.

Mberaand 24:10

O tag oxe a xota keeleemb xarɓaxay no keeleemb ke no yaal mbind um, soo a ret no saax laa Mesopotami na teeru faa Nakoor. A ɓislooxa itam halal fa mayu na halal fee no yaal mbind um. A inooxa, a ret.

Mberaand 31:18

A ɓisa o siir ole ten fop fa halal fee ten fop ta jegit’ina Padan-Araam. A xaada no mbind Isaak fee faap um no saax laa Kanaan.

Mberaand 29:1

Yakoob a xota a ƭat, a ret no saax laa no waa ngenna no batand.

Mberaand 33:18

Ye ta inoorna Padan-Araam boo a gat, Yakoob a fadiida fa jam na teeru fee Sikeem kam saax laa Kanaan, soo a dal paam teeru faa.

Mberaand 24:4

Reti kañ no saax es, no mbaafaap es, o waaƭan a Isaak fee o ƥees o tew.»

Hoose 12:13

Yakoob a ƴufa no saax laa Araam, o tew a jaranin ta jalanaa o koor o lakas, a gayaa a ked um.