Mberaand 28:19 - NQAARIIT NE ROOG

¹⁹ A ne’a o mbiñ onqaaga Betel, ndaa Luus a ne’’e eetaand.

Mberaand 28:19 Referans Kwoze

Mberaand 48:3

Yakoob a laya a Yoseef ee: «Roog o Cegu katil oxe a feeñoor’axam Luus no saax laa Kanaan, soo a barke’aam.

Mberaand 35:1

Roog a laya a Yakoob ee: «Inooxi! Reti Betel, o moof maaga. Fat o maxan maaga o sadaxand a Roog fee feeñoox’oonga ye o ƴufaa o maag of.»

Hoose 4:15

Wo Isra’el, o jimbooxangaa no njaga, baa Yudaa a xawnoor a xoox um, yaa ta fi’na leng kut ke. Ba nu ndet Gilgal, kaam ee ba nu ndet boo Bet-Awen, ndaaɓoorit maaga yee: «Ne ta wooritna yee o Yaal oxe xe ñoowaa!»

1 Maad we 12:29

Yerobowam a sipa leng no nitaal keene kam Betel, lakas ne ta doonin Dan.

Mberaand 12:8

Cinj kaaga, a ɗisa ƭiif ke ten, ndax ta ret na xa coong axaa no batand naa Betel. A sipa ƭiif um ndeer Betel refna no mudand fa Ay refna no batand. A maxana o Yaal oxe maaga o sadaxand, soo a ƴufginoor gon le no Yaal oxe.

Mberaand 28:11

A fadiida o mbiñ, a fe maaga, yaam njeeƈ ne kaa mud’u. A xota maaga ɓil, a hakandooxin, a wondoox o mbiñ onqaaga.

Mberaand 31:13

Mi refu Roog fee feeñoor’oonga Betel, maa sip’oona ɓil wetandoor, yip took fee diwliin, too regoor’u fa mi maaga. Ndiiki koy, inooxi o sutoox saax leeke, nomtoox no saax o rimel of.› »

Mberaand 35:6

Yakoob fo yoon um fop a mbadiida Luus fee na xoyeel a xoy Betel kam saax laa Kanaan.

Mberaand 35:14

Yakoob a sipa maaga ɓil wetandoor, a yip took fee biiñ fa diwliin.

Mberaand 35:15

Yakoob a ne’a o mbiñ onqe Roog a layit’ina fo ten Betel.

Yosuwe 8:12

Yosuwe a jila ngap goor cuni ƥetik soo a hebil a den da ndet, a ƥeng no mudand naa na teeru faa Ay, ndeer um fa Betel.

Yosuwe 18:13

A inoora maaga, a xot farna fo ƴoong laa no ɓemb-roog o ñamaak ole Luus fee na xoyahineel Betel. Cinj kaaga, a fudooxiida Atrot-Adaar fee refna took o joong ole garitna a Bet-Horon fee a lanq no ɓemb-roog o ñamaak.

1 Sami’el 7:16

O hiid oluu refna, Sami’el a widooga, a xotit Betel boo Gilgal, a gar Mispa, a hate’aa we na ndaawraa na xeet fee Isra’el no fo mbiñ neene.

1 Sami’el 10:3

O inoorangaa maaga, ret boo goƭ, no ngariñ naa refna Taboor, xan o xet maaga fo goor daduk waa na ndetaa Betel mbaambir Roog, o leng oxe a saq fo mbambe fo ndaduk, o ƭikandeer oxe puuru tadik, soo o tadkandeer oxe a saq mboxos biiñ.

Mberaand 35:7

A maxa o sadaxand, soo a ne o mbiñ onqaaga El-Betel, yaam maaga Roog a feeñoor’un ye ta ƴufaa o maag um.

Yosuwe 16:2

A inoora Betel, a sag farna fa Luus, a reef Atarot maa Aa-arki waa a ngenna.

Haahate we 20:26

Xeet fee Isra’el fop a ndeta Betel, a loolik soo a moof maaga mbaambir no Yaal oxe. A ngoora no ñaal naaga boo no kirand naa, a ƥoxot sadax toxel fo sadax camsa’oor mbaambir no Yaal oxe.

2 Maad we 2:2

Eliya a laya a Eliise yee: «Yoqi mene, yaam o Yaal oxe kaa lulaam taa Betel.» Eliise a doonaan ee: «Ne ta wooritna yee o Yaal oxe xe ñoowaa too woxey ñoowaa, neene a woortu yee xaƴkiroong.» Maaga, den ɗik fop a yoona Betel.

2 Caloori ke 13:19

Abiya a daaba a Yerobowam soo a janganin teeru keeke: Betel, Yesana fa Efron fo caate ke da mbaxooxna.