Mberaand 28:18 - NQAARIIT NE ROOG

¹⁸ Yakoob a inooxa ƥiiɓ teel, a jang ɓil le ta hakandoox’ina, a sipin ta ref betandoor, soo a yip took fee diwliin.

Mberaand 28:18 Referans Kwoze

Mberaand 35:14

Yakoob a sipa maaga ɓil wetandoor, a yip took fee biiñ fa diwliin.

Mberaand 31:45

Yakoob a janga ɓil, a sipin, ta ref betandoor.

Mberaand 35:20

Yakoob a sipa betandoor na mboy alaa Rakel. Kaaga refu betandoor ke na mboy alaa Rakel too oxe maadaa boo xaye.

Mberaand 31:13

Mi refu Roog fee feeñoor’oonga Betel, maa sip’oona ɓil wetandoor, yip took fee diwliin, too regoor’u fa mi maaga. Ndiiki koy, inooxi o sutoox saax leeke, nomtoox no saax o rimel of.› »

Esayi 19:19

A koom xan a jeg o sadaxand no Yaal oxe a ndeer ee ndeer saax le Misira fo ɓil laa ta sipaneena no ŋat ole no saax le.

O baawaare xe 9:10

Kuu waagoona o fi’it doole of, fi’een, yaam kam jaaniif fee o jofaa jegee a pi mbaat a qalaat, o and mbaat o jeg-yiif.

A kim a tedu ke 119:60

Fodandooxiim, kaam ñofandooxaa, ndax um gay kebil of.

2 Sami’el 18:18

Ye Absalom a ñoowaa a sipan’a a xoox um ɓil laa ta wetandoorteel, kam a yulanq ale no maad oxe, yaam kaa lay’u yee: «Jegiim o ƥiy o leng onqaa waageema o wetandooraa.» A ne’ta ɓil laaga a xoox um, too kaa maad o xoyeel boo xaye betandoor ke Absalom.

1 Sami’el 7:12

Sami’el a janga ɓil, a sipin ndeer Mispa fa Seen, a ne’in Eben-Eseer ee: «Boo fa ndiik o Yaal oxe kaa ƴufgaa a in.»

A lim ale 7:1

Yaa Moyiis a geeninna Ngenand ne boo a ƴut, a ɗuumaan soo a tedlandin, ten oo, tikoorik um oo. A ɗuuma itam o sadaxand ole fo ƥaxañ um, a tedland a den.

Mberaand 22:3

Abraham a inooxa ƥiiɓ teel, a humin o faam um, soo a yoon fo dag ɗik fa Isaak fee o ƥeem. A seɓa xa cuuƭ axaa ta doxitna sadax fee, soo a xot a ƭat ndax ta ret no mbiñ onqe Roog a lay’uuna.

Mberaand 28:11

A fadiida o mbiñ, a fe maaga, yaam njeeƈ ne kaa mud’u. A xota maaga ɓil, a hakandooxin, a wondoox o mbiñ onqaaga.

Yosuwe 4:9

Yosuwe a sipa itam a ƥil xarɓaxay fo a ƥil a ƭak ndeer ee ndeer Yordaan, me xa caf axe no saasadax we saq’ina arka ne no ngiɓoor ne a ndak’ina. A ƥil akaaga a maada maaga boo no ñaal roog ne xaye.

Mberaand 21:14

Abraham a inooxa ƥiiɓ teel, a xot puuru fo mboxos, a cooxin a Agaar ta gadooxin. A cooxaan itam o goor ole, soo a raxin. Agaar a reta, a mo’ik kam a koƥ-a-ƥor alaa Beer-Seeba.