Mberaand 28:16 - NQAARIIT NE ROOG

¹⁶ Yakoob a yokoorta no ƭaan ole ten, soo a lay ee: «Andaam kañ ee o Yaal oxe xey o mbiñ onqene too and’inum sax!»

Mberaand 28:16 Referans Kwoze

Yosuwe 5:15

O aa-adax oxe no xiixire we no Yaal oxe a layaan ee: «Woli xa ñaaƭ of, yaam me o dakaa kaa ted.» Yosuwe a fi’a naaga.

A sutax ale 15:11

O Yaal oxe, an nandu fa wo ndeer roog ke! Kaam ee an fodu fa wo o tedel, wo fee saɗarnooxna, jarel o tagas, fi’aa comlaand!

A sutax ale 3:5

Roog a layaan ee: «Ba o matiid meeke de. Woli xa ñaaƭ of, yaam me o dakaa, lanq tedu yoo.»

Ke bindeena no xe ne’eena YOB 33:14

Yaag oo toox de, leek-leek Roog kaa laytaa neeke, leek-leek ta layit naana, ndaa i naangiran o ngorooxaa.

Ke bindeena no xe ne’eena YOB 9:11

Nga’yo, kaa reefaa paam es, too ga’kinum, a joonaam, too doonkinum a ngid.

Esayi 8:13

O Yaal oxe Hupna fop nu mbaru o tedland. O ten soom nu mbaru o saɗar, too ten nu mbaru o mbit itam.»

A kim a tedu ke 68:35

Njaɓyo katil fee Roog. Ten na maadooxaa took Isra’el, a eel ake a laltaa doole um.

A sutax ale 3:4

Ye o Yaal oxe a ga’na ta ɗapaa, ndax ta ga ke na kaƥaa, a xoytaan kam ngol ne too a lay ee: «Ee xey, Moyiis! Moyiis oo!» Maaga, a jaaɓa yee: «Oow! Mexey!»

Yosuwe 5:13

Bes, a soƥ Yosuwe a ref paam Yeriko, a yoɗa a kid um, a ga o koor oxaa jasnoorna fo ten, a woos laƥ um. Yosuwe a matiidaan soo a laamtin ee: «Fa in faro ndi fo fañ in?»

1 Maad we 3:15

Salomo a yokooxa, a ga ee o ƭaad oo. A nomtooxiida Yeerusaleem, a gar mbaambir arka ne no ngiɓoor ne no Yaal oxe, a ɓoxot sadax toxel fo sadax camsa’oor. Cinj kaaga, a fi’ana dag we ten fop mbumbaay.

A kim a tedu ke 139:7

Ndi mam waagum o ret boo goƭ Yiif of? Mam um ƴufkaa maa ga’itkeeraxamoona?

Yeremi 31:26

Took kaaga, yokooxaam, too ga’aam ee o ƭaan es a fel’axam.

A lim ale 12:6

A laya a den ee: «Nan-gilooxyo a paax fa lay es! A jegangaa a ndeer nuun o tuleer, no mbeeñax um laltinoorkan, mi o Yaal oxe, lay fo ten no ƭaaɗ.