Mberaand 28:15 - NQAARIIT NE ROOG

¹⁵ Mi fa xoox es, mexey fa wo. Xam saytooxong muu refoona, too xam nomtiidong o mbiñ onqene. Xaƴkiroong muk a refangee kaa um fadin ke layuuma.»

Mberaand 28:15 Referans Kwoze

Yosuwe 1:5

No ñoow o ñis of fop o leng waagkirang o xox, yaam mexey fa wo ne refit’uuma fa Moyiis. Xaƴkiroong muk too deɓkiroong.

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

Yeremi 1:19

Xan a ñoxor fa wo, ndaa mbaagankirang o sep, yaam mexey fa wo, ndax um watong.» O Yaal oxe layun.

A cangatin ale 31:6

Saƭakinooxyo too saq njambaar. Ba nu saɗar too ba nu send mbaambir den, yaam xan o Yaal oxe Roog nuun fa xoox um a ñaaƴ fa nuun. Xaƴkee a nuun muk too waaskee a nuun.»

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Mberaand 31:3

Maaga, o Yaal oxe a laya a Yakoob ee: «Nomtooxi no saax laa faap ofiin, no mbaafaap of, too xam ref fa wo.»

Mberaand 26:3

Moofi no saax lene. Xam ref fa wo, too xam barke’ong, yaam cooxe kene fop, xam cooxong o ten, wo fo xa taan of, too xam gay a taaƥ ale fi’uuma fa Abraham fee faap of.

Mace 24:35

Xan asamaan fo lanq a mbaaf, ndaa fa lay es faafkee boo muk.»

Mace 18:20

Muu ɗik mbaat daduk a mbokatoorna no gon es, mexey a ndeer den.»

Esayi 43:2

Boo o xaañaa poofi ke, xam ref fa wo, too boo o jootaa xa quluɓ axe, ƭuudkirang muk. O xaañangaa kam fiɗel sax oo, doxkiro, too ƈulfaan ne waagankirang dara,

1 Maad we 8:57

Yaasam boog o Yaal oxe Roog in a ref fa in, ne ta refit’ina fo daan in! Ngela ba o fod a in too ba o waas a in,

A kim a tedu ke 46:7

A saax ake we mbangooxaa, maat ke a sendaa. O ñuxur um a jibangaa, lanq ke a ngiiƈ-ngiiƈin.

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

1 Timote 4:8

yaam a poƭtax cer a jega o njiriiñ ndaa mayee. O reef a Roog o mat, kaa jiriiñ no fop. Kaa fof ndegit ne no ñoow oleeke sax sax fo no ñoow ole na garaa.

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

Mberaand 48:21

Isra’el a laya a Yoseef ee: «Andaam ee ndiiki um xon. Kaa koy, xan Roog a ref fa nuun, too xan a nomit a nuun no saax le no daan nuun.

Esayi 8:10

Nu mbaaga o yuuɓ kuu nu mbugna, ndaa kasaara doŋ a refkaa. Nu mbaaga o ngukir kuu refeerna, ndaa yaq a ƥay o don a refkaa, yaam Roog oxey fa in.

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

Haahate we 6:16

O Yaal oxe a layaan ee: «Xam ref fa wo, ten taxu xan o xawit Maamajan we nen yaa da ndeeƭna o koor o leng koŋ.»

Yudaa 1:1

Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.

A kim a tedu ke 46:11

Kaa tee: «Ngeenooxyo too and ee mi refu Roog. Mi na maadooxaa took a saax ake. Mi na maadooxaa took adna fee fop.»

Mberaand 39:21

Naaga boog, Yoseef a reeƭa kam kaso faa. O Yaal oxe a reeƭa fa Yoseef, a lalin o paaxel um. A ci’aan ta daaw yirmande no aa-adax oxe no yeeyetax we na kaso fee.

Mberaand 39:2

O Yaal oxe a reeƭa fa Yoseef boo no kuu ta rok’ina rek a suur teen. Yoseef no mbind no yaal mbind um oxe jik’uuna a genoogu.

A sutax ale 3:12

Roog a doona yee: «Mexey fa wo, too keeke refu o anddiloor ole o anditkaa yee mi lulong: Boo sutoona xeet fee no saax le Misira, no joong oleeke o mat nu mbaɗooritkaxam.»

Mberaand 48:16

yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»

Mberaand 32:9

Boo Esawu a garna, a yen took a leng na qaaj ake, ale yoqna xan a waag o daɗ.

Mberaand 46:4

Xam yoon fa wo Misira, too mi na nomtitiidkang maaga, too Yoseef fa xoox um o mat na ɗaapkaa a kid of.»

Mberaand 21:20

Roog a reeƭa fo o goor ole, ta maak, a refat o kiin o baane’u kam a koƥ-a-ƥor ale, a ref itam o qaaxaƴ a qali.

Mberaand 31:5

A laya a den ee: «Kaam ɗeetloox ee a tagid faap nuun letatee na mi nen eetaand. Kaa koy, Roog fee na faap es a reeƭa fa mi.

Mberaand 31:13

Mi refu Roog fee feeñoor’oonga Betel, maa sip’oona ɓil wetandoor, yip took fee diwliin, too regoor’u fa mi maaga. Ndiiki koy, inooxi o sutoox saax leeke, nomtoox no saax o rimel of.› »

Mberaand 35:3

Xan i inoox, ndet Betel. Xam maxan maaga o sadaxand a Roog fee ƴufig’axama a koom alaa fa naqad es too a reeƭu fa mi na ñaaƈ ale mi.»

A sutax ale 13:11

Yaa o Yaal oxe a rokinkaa a nuun kam saax le no Kaakanaan we, ne ta daaɓoortuuna yee xan a cooxin a nuun, nuun fo daan nuun,

A lim ale 6:24

‹Yaasam o Yaal oxe a barke a nuun too a saytoox a nuun.

A cangatin ale 7:9

Fat nu and boog ee o Yaal oxe Roog nuun soom refu Roog. Kaa gore too a gayaa ngiɓoor um fo o paaxel um boo no suk cuni-cuni no we mbexuuna, a ngayaa kebil um.

A cangatin ale 30:3

yaaga, xan o Yaal oxe Roog nuun a yirim a nuun, a supit o roxanqol nuun soo a fokattiid a nuun ahin a ndeer qeet ke ta pasar’ina a nuun fop.

A cangatin ale 31:8

O Yaal oxe fa xoox um sax xan a adooxanong too xan a ref fa wo. Xaƴkirang muk too deɓkirang. Ba o saɗar boog too ba o send.»

Mberaand 30:25

A cinj ye Yoseef a rimeena, Yakoob a laya a Laban ee: «Kaam jaɓ o xaad no saax es.

A paɗax ale 26:42

xam wetandoox ngiɓoor ne mi dalnuuma fa Yakoob fa Isaak fa Abraham, we daan den, wetandoox itam a tegit ale mi no kaa farna no saax den.

A paɗax ale 26:45

Xam wetandoox a den, wetandoox itam ngiɓoor ne dalnuuma fo daan den yaaga, ye suttuuma a den no saax laa Misira mbaambir qeet lakas ke, ndax um ref Roog den. Mi refu o Yaal oxe.»

A kim a tedu ke 91:11

yaam xan a heblanong malaaka ke ten, ndax da saytooxang muu o jofaa.

Yeremi 16:15

Kaa koy, xan a daaɓoorteel ee: ‹Ne ta wooritna yee o Yaal oxe xe ñoowaa, ten oxe sutitna Ii-isra’el we no saax laa no ɓemb-roog o janoon fo na saax ake fop ta pasar’ina a den.› Xam nomtiid a den no lanq ke den ci’uuma daan den.»