Mberaand 28:14 - NQAARIIT NE ROOG

¹⁴ Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.

Mberaand 28:14 Referans Kwoze

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

Mberaand 26:4

Xam mayƭand xa taan of, da mayit nen xa qoor axe na asamaan. Cooxe kene fop, xam ci’in xa taan of, too qeet ke no lanq ke fop na xa taan of a mbarke’itkeel,

A pi ake 3:25

Nuun ndefu xa ƥiy axe no duleer we, too nu mboga no ngiɓoor ne Roog a dalin’ina fo daan we in, ye ta layna a Abraham ee: ‹O ndaan of a cur barke a refkaa no ƥasil ke na adna fee fop.›

Mberaand 22:18

Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

Mberaand 18:18

Xan Abraham a ref o taan no xeet fa maak fa njegu doole, too qeet ke no lanq ke fop no ten a mbarke’itkeel.

Mberaand 13:16

Xam fi xa taan of a mayit nen pep lanq, a may boo mbaagkaand o lim ne pep lanq a mbaagaandeena o limit.

Mberaand 13:14

Cinj ye Lot a xaajoorna fa Abram, o Yaal oxe a laya a Abram ee: «Meene fodoona fod, ƴooklooxi, ɗeet farna fo ɓemb-roog o janoon fo no ɓemb-roog o ñamaak, farna fo batand fo no mudand.

Galati 3:16

Ke regteena koy, Abraham fo o ndaan um njegun, yaam a Pind a Tedu ke layee yee «fo xa taan um» nen yaa ta jeg’ina xa taan xa mayu, ndaa o leng kut a ne’oogu, ye ta layna yee «fo o ndaan of», ta ref Kiristaa.

Galati 3:8

A Pind a Tedu ke a laya yaaga yee xan Roog a ɗeet we ndefeerna Yaawuur nen jofu yaa da ngimna. Ten taxu Roog a yegna a Abraham yegil mbaax ne, ye ta layna yee: «Qeet ke fop na wo a mbarke’itkeel.»

Mbeeñil 7:9

Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

Mace 8:11

Ten taxu, mexe layaa a nuun ee xan mayu a inoor no batand fo no mudand too xan a mbog o roon fa Abraham fa Isaak fa Yakoob kam Maat ne na asamaan.

A kim a tedu ke 72:17

Gon um ñufkee boo muk, too ten adooxu meen njeeƈ ne. Xan wiin we a mbarke’teel gon um, a saax ake fop a ƭaayit no ten.

A cangatin ale 12:20

Yaa o Yaal oxe Roog nuun a ɗaaykaa xa ŋat axe nuun, ne ta regtuuna a nuun, soo o sooɓel a tegeƴ a tax nu lay ee: ‹Kaa i sooɓel a tegeƴ.› Xan nu mbaag o ñaam a tegeƴ, ne nu sooɓteena o ten.

A lim ale 23:10

An waagu o lim xa taan axe Yakoob mayitna nen pep lanq? Kaam ee an waagu o lay ne Ii-isra’el we mayitna nen mbuuƴ a mbodna? Yaasam um xonit nen jofu weene, muj es a nand fa fee den!»

Mberaand 32:12

Kaam xeɗang o muclaam no ɓay no maag es Esawu. Kaam saɗaraa ndik ta gar a waraam, mi fo rew we mi fo xa ƥiy axe mi.

Mbeeñil 7:4

Maaga, nanaam we ñaas’eena a limeel boo no cuni teemeed fo cuni qarɓeen nahik fo cuni nahik na carind xarɓaxay fo a carind a ƭak ake Isra’el fop:

Mberaand 13:15

Saax le o ga’aa, xam ci’ong o ten, wo fo xa taan of boo faw.

Mberaand 22:17

xam barke’ong, mayƭand xa taan of, da mayit nen xa qoor axe na asamaan fo nen pep lanq na ƥeeraamb o maag. Xa taan of na mbugko maadooxa took fañ den.

Mberaand 48:16

yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»

Mberaand 48:19

Faap um a faña soo a layin ee: «Andaam kaaga de, o ƥees! Andaanum, ten itam xan a ref o taan xeet fa maak, a saqit. Kaa koy, o ndeɓ um na hupkan, too xan xa taan um a mayƭand qeet ke fop.»

A cangatin ale 13:17

Fat nu mbokat kalal ke fop na baayo fee na teeru fee, cinj kaaga nu ndaaɓin fa teeru fee fop. Xan a ref nen sadax faa doxaneena o Yaal oxe Roog nuun. Fat o mbiñ onqeene a refat juum kefatin boo kili, too baa maxatinel boo muk.

2 Caloori ke 1:9

Ndiiki koy, o Yaal oxe Roog, yaasam a tegit of fa faap es a mbadnoox, wo fee fi’na boo um maadooxaa took xeet faa mayitna nen pep lanq.

Esayi 54:3

yaam xan o ɗaayoox na ñamaak fo na janoon. Xa taan of xan a njangatin xa saawit axe qeet lakas ke a ngenna, soo a ngenatin teeru ke mbes’ina a pec.

A sutax ale 32:13

Wetandooxi a Abraham fa Isaak fa Isra’el, dag we wo daaɓooxoona wo fa xoox of ee: ‹Xam saqtin xa taan nuun, da mayit nen xa qoor axe na asamaan, coox a den saax le regtuuma, da njegkin boo faw.› »