Mberaand 28:13 - NQAARIIT NE ROOG

¹³ O Yaal oxe koy, kaa geenoox’u paam um, soo a layaa yee: «Mi refu o Yaal oxe Roog fee no taan of Abraham, Roog fee Isaak. Lanq ke wondooxoona, xam ci’ong a den, wo fo xa taan of.

Mberaand 28:13 Referans Kwoze

Mberaand 13:15

Saax le o ga’aa, xam ci’ong o ten, wo fo xa taan of boo faw.

Mberaand 48:3

Yakoob a laya a Yoseef ee: «Roog o Cegu katil oxe a feeñoor’axam Luus no saax laa Kanaan, soo a barke’aam.

Mberaand 35:12

Xam ci’ong saax le ci’uuma a Abraham fa Isaak, too xam ci’in xa taan of.»

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Mberaand 12:7

O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna.

Mberaand 35:1

Roog a laya a Yakoob ee: «Inooxi! Reti Betel, o moof maaga. Fat o maxan maaga o sadaxand a Roog fee feeñoox’oonga ye o ƴufaa o maag of.»

Hebre 11:16

Kaa koy, no ndigil, kaa yaakaaroogu mbaafaap naa moƴna o faax, ta ref ne refna na asamaan. Ten taxu, Roog naagee o jegaa gaci fa leng yaa ta xoyeena Roog fee den, yaam o ten fa xoox um o mat jagandanu a den teeru feene.

A sutax ale 3:6

Maaga, a ɓaata teen ee: «Mi refu Roog fee na faap of, ref Roog fee Abraham fa Roog fee Isaak fa Roog fee Yakoob.» Moyiis a muurooxa, yaam kaa saɗaroogu o ɗeet a Roog.

Mace 22:32

‹Mi refu Roog fee Abraham fa Roog fee Isaak fa Roog fee Yakoob.› Roog refee Roog fee no xon we, ndaa Roog fee no ñoow we.»

Mberaand 46:3

Roog a layaan ee: «Mi refu Roog, Roog fee na faap of, ba o saɗar o ret Misira, yaam maaga um fi’itkang o refat xeet fa maak.

Mberaand 35:17

Ye ta refna fo xa ƭomel axe no gaaj le, o tew o kaagaajin oxe a layaan ee: «Ba o saɗar, yaam jegahinaa o ƥiy o ngoor.»

Mberaand 32:9

Boo Esawu a garna, a yen took a leng na qaaj ake, ale yoqna xan a waag o daɗ.

Mberaand 31:42

Boo Roog fee no taan es, Roog fee Abraham refna ref fee Isaak a faɗooxaa, a farit’eeraxama, raxkoogaxamo xa ƥay xa ƥor. Roog kaa ga coono es fo jale es, ten taxu ta maƭooxong no yeng ole faafna.»

Mberaand 28:4

Yaasam Roog a ci’ong barke fee Abraham, wo fo xa taan of, ndax o jegik saax le refoona o gataakoon, too ta ci’in a Abraham.»

Mberaand 26:3

Moofi no saax lene. Xam ref fa wo, too xam barke’ong, yaam cooxe kene fop, xam cooxong o ten, wo fo xa taan of, too xam gay a taaƥ ale fi’uuma fa Abraham fee faap of.

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

A pi ake 7:5

Roog ci’iran dara kaa ta warna o jeg no saax le mbaat maa ta doonna o jaf um sax. Kaa koy, a regaan ee xan a ci’in o ten, xa taan um a njegkin a cinj um. Yaaga Abraham jeg’ee o ƥiy sax.

A kim a tedu ke 105:11

ye ta layna yee: «Xam cooxong lanq ke Kanaan, o jegkin, wo fo xa taan of,

Mberaand 35:15

Yakoob a ne’a o mbiñ onqe Roog a layit’ina fo ten Betel.

Mberaand 13:17

Inooxi o wid saax le bo ta xet, yaam xam ci’ong o ten.»

Mberaand 15:18

A koom o Yaal oxe a dalna ngiɓoor fa Abram ee: «Saax leeke, ci’aanum xa taan of no ke xotitna no xuluɓ olaa Misira boo no xuluɓ o maak olaa refna ref Ofrat,

Mberaand 31:5

A laya a den ee: «Kaam ɗeetloox ee a tagid faap nuun letatee na mi nen eetaand. Kaa koy, Roog fee na faap es a reeƭa fa mi.

Mberaand 31:13

Mi refu Roog fee feeñoor’oonga Betel, maa sip’oona ɓil wetandoor, yip took fee diwliin, too regoor’u fa mi maaga. Ndiiki koy, inooxi o sutoox saax leeke, nomtoox no saax o rimel of.› »

Mberaand 31:53

Yaasam Roog fee Abraham fa Nakoor a ref o seede a ndeer in.» Maaga, Yakoob a daaɓooxa na Roog fee sendnoor’ina a Isaak fee faap um.

A sutax ale 2:24

Ye Roog a nanna xa iin axe den, a wetandooxa ngiɓoor ne ten fa Abraham fa Isaak fa Yakoob.

A sutax ale 4:5

O Yaal oxe a layaan ee: «Keene xan a lal a den, da ngim ee mi o Yaal oxe refna Roog fee no daan we den, ref Roog fee Abraham fa Roog fee Isaak fa Roog fee Yakoob, feeñooxong.»

A sutax ale 6:4

Dalnaam ngiɓoor fa den, ndax um coox a den saax le Kanaan, saax le da ngenoogna, a ndef teen xa kataakoon.

A cangatin ale 1:8

Keene refu saax le ci’uuma a nuun. Ndetyo njang saax le reg’uuma a Abraham fa Isaak fa Yakoob, mi o Yaal oxe, daaɓoox o ci’in a den, da njegkin, den fo xa taan den.› »

A cangatin ale 9:5

Refee muk ee nu njarin mbaat a qeeñ a cofu nuun taxu nu njang saax le den, njegkin. Coxod ne no qeet keene mat fo ke o Yaal oxe Roog nuun a daaɓoox’ina fo daan nuun Abraham fa Isaak fa Yakoob taxu ta raxit a den mbaambir nuun.

A cangatin ale 34:4

Maaga, o Yaal oxe a layaan ee: «Keene refu saax le daaɓooxuuma fa Abraham fa Isaak fa Yakoob ee xam ci’in xa taan den. Lalaaxoong o ten na kid of, ndaa rokkiro teen.»

Amos 7:7

O Yaal oxe a dakooxaxam o feeñil kene: Kaam ga’in, ten fa xoox um, ta ŋaay no tabax, soo a deegoox o ƥaak o fodrandir.

Mberaand 32:10

Yakoob a laya yee: «Roog fee no taan es Abraham, Roog fee na faap es Isaak, o Yaal oxe wo fee lay’axama yee: ‹Nomtooxi no saax of, no mbaafaap of, too xam fi’anong paax›,

A sutax ale 6:7

Xam jang a nuun, nu ndef xeet es, um ref Roog nuun, too yaaga xan nu and ee mi refu o Yaal oxe Roog nuun, sutna a nuun no calel ƭomu ke Miimisira we a ndoxondna a nuun.

1 Caloori ke 16:16

Ten refu ngiɓoor ne ten fa Abraham, soo a woornitin a Isaak fo a taaƥ.

1 Caloori ke 16:18

ye ta layna yee: «Xam cooxong lanq ke Kanaan, o jegkin, wo fo xa taan of.»

Heseki’el 28:25

Keeke layum, mi o Yaal oxe na refkaa boo faw: Yaa um fokatitkaa mbind Isra’el a ndeer qeet ke da pasaroox’ina, xam feeñlit o tedel es no ne um fesooritkaa fa den na kid no qeet lakas ke. Maaga, xan a ngen no saax den le ci’uuma a Yakoob fee o tag es.