Mberaand 28:12 - NQAARIIT NE ROOG

¹² A ɗaaɗa, a ga a seel alaa sipeena a lanq soo cat lakas ne a duqaa asamaan. Malaaka ke Roog kaa ŋaayoogu teen, a mbudooxaa.

Mberaand 28:12 Referans Kwoze

YEGIL MBAAX NE YEESU ne Saŋ a bindtuuna 1:51

Yeesu a doona taaga yee: «No ndigil, no ndigil, xan nu nga’ataa asamaan a wetoox, soo malaaka ke Roog a ŋaayaa, a mbudooxaa me o Ƥeenqe no kiin oxe a refna.»

A lim ale 12:6

A laya a den ee: «Nan-gilooxyo a paax fa lay es! A jegangaa a ndeer nuun o tuleer, no mbeeñax um laltinoorkan, mi o Yaal oxe, lay fo ten no ƭaaɗ.

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

Mberaand 15:12

Ye njeeƈ ne a mudna, Abram a naaga hanq a ɗaan, soo diid maak a damin kam o ƭaan ole no niɓaan taruus.

Hebre 1:14

Xar malaaka ke a ndefu? Den fop a yiif akaa na mbaɗooxaa a Roog a ndefu, ta lulaa a den ndax da ƥisaa o ndimle me no we na ndaawkaa a muc ale.

Dañel 7:1

No hiid o feraand olaa no maat Baltasaar fee o maad oxe Babilon, Dañel a ɗaaɗa soo a ga’a peeñil no yiif um, a soƥ ta wondoox no njong um. Cinj kaaga, a binda o ƭaaɗ ole,

Hebre 1:1

Yaa fa yaaga, Roog a lay’a fo daan waa in a caf a mayu fo na xa qos xa mayu na pexey duleer waa,

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

Mace 1:20

Ye ta xalaataa kaaga, malaaka no Yaal oxe a feeñooxaan no ƭaaɗ, a layin ee: «Yoseef, o ndaan Dawid, ba o saɗar o xot a Mari fee o toog of, yaam o ƥeenqe ta fudna, no Yiif Tedu le a inooru.

Mberaand 20:3

Took kaaga, Roog a feeñooxa a Abimelek o yeng no ƭaaɗ, a layin ee: «Xan o xon, yaam o tew oxe gifoona o tew no kiin oo.»

Mace 2:19

Yaa Herood a xonna, malaaka fee no Yaal oxe a feeñooxa a Yoseef no ƭaaɗ kam saax laa Misira.

2 Caloori ke 16:9

O Yaal oxe kaa horooxaa we no lanq ke fop ndax ta saƭkand we a qeeñ den a ndamooxna no ten. Me ta refna koy, kaa o xalaatit nen o ƭof too meene o reefkaa xire’ataa.»

Mberaand 41:1

Xa kiid xa ƭaq a cinj kaaga, Firawon fee a ɗaaɗa o geenoox paam o xuluɓ ole Niil.

1 Maad we 19:5

Cinj kaaga, a wondooxa, a ɗaan ɗuga mburndu ne. Malaaka no Yaal oxe a gara, a duqin soo a layin ee: «Inooxi ñaam.»