Mberaand 27:46 - NQAARIIT NE ROOG

⁴⁶ Rebeka a laya a Isaak ee: «O ñoow kaa wataam xus nen ƈaq yaam roog we no Heeheet we. Boo Yakoob a waaƭitna o tew no roog we no Heeheet we ndefna no saax le, andiim xar deyum o ñoowaa!»

Mberaand 27:46 Referans Kwoze

Mberaand 24:3

soo um daaɓooxnoorong no Yaal oxe Roog fee na asamaan, Roog fee no lanq ke yee waaƭanitkiro o ƥees o ngoor onqe o tew no Kaakanaan we genuuma a ndeer den.

Mberaand 28:8

Neene, Esawu a and’ata yee roog Kaakanaan we mbel’ee a Isaak fee faap um.

Ke bindeena no xe ne’eena YOB 14:13

Cey! O ɗasin’angaam kam jaaniif rek, muuraam teen boo yaa fuux le wo a ɓooskaa, soo o dalnanaam waxtu faa o wetandooxkaxam!

Ke bindeena no xe ne’eena YOB 7:16

Bugatiim o ga o ñoow, too wo moƴu and ee bugkiim o ñoowaa boo kili. Waasaam boog, yaam o ñoow es a ƥay doŋ a refu.

1 Maad we 19:4

Cinj kaaga, a ñaaƴa ñaal muum kam a koƥ-a-ƥor ale, a ret a moof ɗuga mburndu. Fa nqon doŋ a xeɗoogatu, a layaa yee: «Ndiiki koy, o Yaal oxe, deyƭataam sik! Xuufi o ñoow es, yaam moƴiim daan es.»

A lim ale 11:15

O naagangaam o doonkaa keene, mexe xeɗang o waraam, ndax ga’katiim naqad feene, a soƥangaa yee daawaam yirmande of.»

Yoona 4:9

Roog a laya a Yoona yee: «Ndax jegaa kaa fuuxantoona mbatarpooli nene?» Yoona a doonin ee: «Jegaanum moos, waraam o fuux boo na fa nqon!»

Yoona 4:3

Ndiiki koy, o Yaal oxe, xuufi o ñoow es, yaam fa nqon moƴanataxam o ñoow.»