Mberaand 27:41 - NQAARIIT NE ROOG

⁴¹ Esawu a dalfooxa o fuuxan a Yakoob, yaam barke fee faap um a barke’uuna. Esawu kaa layoogu no xeeñ um ee: «Ndiiki faap es a xon, too a koom xam war a Yakoob fee o ndeɓ es.»

Mberaand 27:41 Referans Kwoze

Mberaand 37:4

Maag we ten a nga’a yee faap den ten a moƴ’u o fex ee den fop, soo da mbofanin o njaaku kam. Mbaag’ee muk o lay fo ten pelu.

O baawaare xe 7:9

Ba o yooɓ o fuux, yaam o mat-xeeñ panxoy ke njegun.

Xa peƭit axe 6:14

Naanaxir ƥor a fofu no xeeñ um, a gen no yuuɓaa paaxeer, a oraa qasir.

Mberaand 37:8

Maag we ten a layaan ee: «Kaa o bug o lay boog ee xan o ref o maad in! Ndi kaa o foog ee xan o ref o yaal in!» A moƴ’ataan o sib yaam xa ƭaaɗ axe fo fa lay fee ten.

Mberaand 32:6

Jegaam qoox, xa paam, a ked, dag fo jeefeer. Ten taxu um lultiid o layanel o ten o yaal es ndax um daaw yirmande of.»

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Heseki’el 35:5

Feek kaa o gen cay no fañraa fo Ii-isra’el we, soo maafit a den laƥ ye fa naqad den, ye tooñ den a hupna,

Xa peƭit axe 1:16

yaam xa caf den paaxeer rek a ƈufanaa, da ñofandooxanaa a ƥax fo’oy.

A kim a tedu ke 142:3

Mexe diisan ƭomaƭax es, feednan naqad es.

A kim a tedu ke 37:16

Ref o cofu too jeg o ndik moƴu yee o soxod soo jeg kalal pagkatar,

A kim a tedu ke 35:14

Kaam fesooroogu fa den nen o kiin fa xaariit um mbaat o pog um ŋaƈit. Kaam naag’u lugup, ref no ñaawax nen oxaa ñakna a ya um.

2 Caloori ke 35:24

Dag we ten a mbudnitaan na sareet-xire le ten, a ndoonin na sareet a lakas soo a ƥisin Yeerusaleem. Yosiya a xona soo a gasel me no daan um. Yeeyeerusaleem we fo Yuuyudaa lakas we fop a ñaawooxaan.

A cangatin ale 34:8

Ii-isra’el we a loola a Moyiis boo ñaal qarɓeen tadik kam xa saawit axaa Mowaab, soo ñaal ke na xa lool axe fo ñaawax ne Moyiis a sog o muukoox.

Mberaand 35:29

A xona a cinj ye ta nogoyna tigi, a dab daan um, soo Esawu fa Yakoob we xa ƥeem a ngasin.

Mberaand 32:11

andaam ee o paaxel of fo ngor of ne lalaxamoona fop a njombaxam, mi fee o tag of. Ye jootuuma o xuluɓ ole Yordaan, retaa, o loq es rek saq’um, ndiiki koy mexe refata a yaj a ƭak.

Mberaand 27:42

Rebeka a yegne a ƭelem akaaga na Esawu fee taaw um. Maaga, a xoyna a Yakoob, a layin ee: «Me ta refna koy, Esawu kaa bugong o war ndax ta rabdinoox took of.

Mberaand 32:3

Ye ta ga’na a den, a laya yee: «Meeke mat refu saŋe ne Roog.» A ne’a o mbiñ onqaaga Mahanayim.

Mberaand 50:2

Cinj kaaga, a hebla waawaadin we njalanooguuna yee: «Topatooxyo a faap es.» A ndalfooxa o ƭuum a Isra’el diwliin ndax yaqooxkee.

Mberaand 37:18

A ƈookta a Yoseef koƭu, too ye ta helkaa fo fadiid me den a ngiɓanaan o ngir ndax da mbarin.

Mberaand 50:15

Ye fog faap we Yoseef a nga’na yee faap den a xona, a laya yee: «Xan Yoseef a fuuxan a in soo a doon a in paaxeer ke i mbi’uuna fop.»

Xa peƭit axe 18:19

O pog o tooñe moƴu ɗom o riimnel ee o rok kam teeru fa njegu saŋe, o xasir fo ten a moƴ o ɗom o xafel ee o wet a kinglir no mbind no maad.