Mberaand 27:40 - NQAARIIT NE ROOG

⁴⁰ Na pexey laƥ of o bugko ñoowtaa, o ndeɓ of o mat, xan o neewandoox mbaambir um. Xan o joqooyooxaa o mbiñ fo mbiñ, ndaa xan o ɓol kadoor ke ta gadinkang.»

Mberaand 27:40 Referans Kwoze

Mberaand 25:23

O Yaal oxe a layaan ee: «Qeet ƭik ndefu no fud of. Xan qeet ƭik ke a nqaajoor yaa da sutoorkaa na wo. Fa leng no qeet keene xan moƴ o jeg doole fa lakas fee, too oxe na eetkeel o rim xan a ɓoxotoox no ƭikandeer oxe.»

2 Caloori ke 21:10

No kaa xotitna na waxtu faaga, Ee-edoom we a njegata a qoox den na Yudaa boo xaye. Na jamaane fa leng kut faaga, teeru fee Libna a jegata a xoox um itam na Yudaa, yaam Yehoram kaa fañ’u o nanan o Yaal oxe Roog fee no daan um.

2 Sami’el 8:14

Dawid a dalna xiixire kam Edoom fop, soo Ee-edoom we fop a ƥoxotoox no ten. Neene, muu Dawid a ret’ina, o Yaal oxe a ci’oogaan o ndam.

A kim a tedu ke 60:8

Roog a laya kam Mbind tedu ne ten ee: «Xam jeg o ɗaay, yaa um lasrandaa a nuun teeru fee Sikeem, a yulanq ale Sukot, um xaajin xa ƭeg xa ƭeg.

2 Caloori ke 21:8

No maat Yehoram, Ee-edoom we a siiknoora fo maat ne Yudaa soo a ndalnan a qoox den o maad.

2 Caloori ke 28:17

Ee-edoom we a ngarahina, a nqaw Yuuyudaa we soo a jeg waa da ƥisna took o hup doole.

2 Maad we 14:10

Ke xawoona Ee-edoom we taxu o yoɗ a kand. Felakinooxi no ndam onqeene too moof no mbind of. Xar taxu boo o bug o rok na xire faa malkeeroonga, maa o yenitkaa, wo fo maat ne Yudaa fop?»

2 Maad we 14:7

Amatsiya a wara Ee-edoom cuni xarɓaxay na yulanq alaa no fo jem ole. Ye fa ñoq ale, a jaɓa teeru fee Sela, a ne’in Yoqteel, too gon leene a maadtu boo no ñaal roog ne xaye.

Mberaand 32:6

Jegaam qoox, xa paam, a ked, dag fo jeefeer. Ten taxu um lultiid o layanel o ten o yaal es ndax um daaw yirmande of.»

Mace 10:34

«Ba nu mboog ee jam ɓisiidum na adna fee. Ɓisiidiim jam, laƥ ɓisiidum.

Mberaand 27:29

Yaasam qeet a ƥoxotoox na wo, a saax ake a ngungaa mbaambir of! Yaasam o ref o yaal no fog of, we fogtoona yaay a ngungaa mbaambir of. Yaasam oxuu salooxoonga a salooxel, soo oxuu xeɗanoonga barke a barke’el!»

Mberaand 33:9

Esawu a layaan ee: «O ndeɓ es, xenaam me refuuma. Geeki ke jegoona!»