Mberaand 27:35 - NQAARIIT NE ROOG

³⁵ Isaak a layaan ee: «O ndeɓ of garu fo nqooƭ-nof, soo a jang barke fee wo.»

Mberaand 27:35 Referans Kwoze

1 Tesalonik 4:6

No keene, ba o leng na nuun a tooñ o pog um o kimu mbaat ta jaɓ o teem, yaam i lay’aan, too maƭooxin a nuun boo ƈut, xan o Yaal oxe a dalin hate no keene fop.

2 Korint 4:7

Kaa i saq halal feene, in we ndefna pand maxte lanq, ndax katil neene jegeerna o nand inoorkee no leng na in, ndaa ta inoor na Roog.

Malaki 2:10

«Ndax in fop i mbogee a Faap fa leng? kaam ee ndax Roog fa leng kut sakee a in? Xar taxu boog i ngore’aƭar a ndeer in, yapatilaa neene ngiɓoor ne Roog fo daan we in?

2 Maad we 10:19

Ndiiki koy, fat duleer we fo faafaɗax we fo saasadax we Baal fop a nqoykel, a soƥiidaam den fop. Ba o leng na den a yoq, yaam kaam bug o ɓoxot a Baal sadax fa maak. Oxuu gareerna koy, xan a warel.» Yehu kaa fesoor’u neene fo o ƴiƴ, ndax ta moocand faafaɗax we Baal.

Ke bindeena no xe ne’eena YOB 13:7

Ndax kaa nu mbartitkaa a Roog kaa jegeerna, sedanin fo xa maaƥ?

Mberaand 27:33

Maaga, Isaak a dalfooxa o kafkafin yaam ke ta yegna, a sendaa. A laamta yee: «Yaaga boog, an refu oxe waraniidaxama mbuufuɗag, a ɓisiidaam o ten boo um ñaamin, miñee dara o fadiid? Barke’aanum toox de, too xan a barke.»

Yeremi 9:4

Oxuu refna kaa naxaa o kend um, too naagee o layaa ndigil. Kaa merand ɗelem den xa maaƥ, a mbi a mbi paaxeer boo a naang cat.

Mberaand 29:25

No feet nqes olaa Yakoob a ga’a yee tiye Leya a reeƭu. Maaga, a laya a Laban ee: «Xar fi’axamo kene? Mee ndax Rakel tax’u um jalanang. Xar taxu o naxaam boog?»