Mberaand 27:33 - NQAARIIT NE ROOG

³³ Maaga, Isaak a dalfooxa o kafkafin yaam ke ta yegna, a sendaa. A laamta yee: «Yaaga boog, an refu oxe waraniidaxama mbuufuɗag, a ɓisiidaam o ten boo um ñaamin, miñee dara o fadiid? Barke’aanum toox de, too xan a barke.»

Mberaand 27:33 Referans Kwoze

O leetar ole Pool a bindna GIMU WE NGENNA ROM 11:29

yaam Roog refee ci’it a jaɓ, too ricooxkee o xoy ole ten.

Hebre 11:20

O ngim tax’u Isaak a coox a Yakoob fa Esawu barke fee heloorna fo ke refna mbaambir den.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

YEGIL MBAAX NE YEESU ne Saŋ a bindtuuna 10:10

O kuuɗ, nguuƭ fo a bar fo yaq na inan. Mi koy, kaam gar, ndax paal ke mi a njeg o ñoow, a njegin ta dey sik.

A kim a tedu ke 55:5

O laaw es ole fiiƭaa taa kam es, diid le na fa nqon fee a damaam.

Ke bindeena no xe ne’eena YOB 37:1

Um nanangaa ƭuuɗ ne Roog, kaam sendaa ne fodeema fop, o laaw es a ret.

Ke bindeena no xe ne’eena YOB 21:6

Um naagangaa xalaataa ke dalaxama, kaam diidaa, cer es fop a sendaa.

Mberaand 25:23

O Yaal oxe a layaan ee: «Qeet ƭik ndefu no fud of. Xan qeet ƭik ke a nqaajoor yaa da sutoorkaa na wo. Fa leng no qeet keene xan moƴ o jeg doole fa lakas fee, too oxe na eetkeel o rim xan a ɓoxotoox no ƭikandeer oxe.»

Mberaand 27:35

Isaak a layaan ee: «O ndeɓ of garu fo nqooƭ-nof, soo a jang barke fee wo.»

Mberaand 28:1

Isaak a xoya a Yakoob, a barke’in, a asoortin ee: «Ba o xotit o tew no roog we no Kaakanaan we.

A lim ale 23:20

Mi, kaa um heblel, ndax um barke xeet fene. Roog a barke’aan, yaaga koy, supitkiim teen dara.