Mberaand 27:29 - NQAARIIT NE ROOG

²⁹ Yaasam qeet a ƥoxotoox na wo, a saax ake a ngungaa mbaambir of! Yaasam o ref o yaal no fog of, we fogtoona yaay a ngungaa mbaambir of. Yaasam oxuu salooxoonga a salooxel, soo oxuu xeɗanoonga barke a barke’el!»

Mberaand 27:29 Referans Kwoze

A lim ale 24:9

Xeet feene kaa nand nen njogoy, nen njogoy ƥasil naa o leng a saɗeerna o yok, yaa ta wondooxna. Oxuu barke’oonga, xan a barke’el, ndaa oxuu salooxoonga, xan a salooxel.»

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

Esayi 49:23

Xan o jeg lingeer kaa na numnanang xa teɓandoong of fo maad waa na saqkaa a den. Xan a ngung mbaambir of, a metaa fo ut ole na caf of. Maaga, xan o and ee mi refu o Yaal oxe, too we yaakaaraxama sedkee muk.»

Esayi 45:14

Wo Isra’el, keeke o Yaal oxe a layong: «Kalal ke no Miimisira we fo ke Kuukuus we a njegtaa no cula ke den fo Seeseeba we na nandtaa tof caang xan a mbod no ɓay of, soo o jegat a den. Qeet keene xan a ndeefang, a ñaaƴtaa a ceng. Xan a ngungaa mbaambir of, a nqeɗooxang, a ndamtin ee: ‹Me wo soom Roog a refu. Jegee roog fa lakas, a refangee ten.› »

Esayi 49:7

Keeke o Yaal oxe refna o baawat oxe fo o Tedu xe Isra’el a layu oxe o ñoow um a sibeena, too wiin we a sibdin, a ref o paɗ no yaal toole ke: «Xan maad we a nga’in too xan a inoox, xan gelwaar we a ngung mbaambir um, yaa da ƈookkan. Neene, xan a lalit ee a niwa o Yaal oxe gore’na, a ref o Tedu xe Isra’el jiloonga.»

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

A kim a tedu ke 72:8

Xan a maadoox no ke xotitna na juwaam boo na fa lakas, a dalit no xuluɓ ole Ofrat boo no cat adna.

1 Maad we 22:47

A suuda kam saax le ke yoqna no goor we sooboox’ina no njaga ne ɗeetoogeena nen tedu maadoogna na jamaane faap um Aasa.

A lim ale 23:8

Kaa koy, nam um salooritkaa oxe Roog a salooxeerna? Nam um halakitkaa oxe o Yaal oxe a halakeerna?

Mberaand 37:7

«Nan-gilooxyo ke ɗaaɗuuma. Kaam ɗaaɗ i ndet no qol, ngumaa a kusax. Maaga, gusax le mi a inooxa, a geenoox, soo a kusax ake nuun a ndeerin, a ngungaa mbaambir um.»

Mberaand 27:37

Isaak a doona a Esawu yee: «Ga’angi, dalnaanum o yaal of boo ƴut, xeɗanin fog um a ndefik dag um, xeɗanin bele fa biiñ fa mayu. Xar waagatoong o xeɗan boog?»

Mbeeñil 19:16

No ndoki ne ten fo na ñaal ale ten gon lene a binde: «O Maad oxe no maad we fo o Yaal oxe no yaal we.»

Mace 25:45

Xan a doon a den ee: ‹No ndigil, mexe layaa a nuun ee: Ke nu mbi’aneerna o leng oxe moƴna o neew no fog es wene fop, mi nu mbi’aneerun.›

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

1 Caloori ke 5:2

A carind ale Yudaa moƴ’atu o jeg doole a ndeer a carind ake no fog faap we ten, too no ten oxe na refkaa o maad Isra’el a inooru, ndaa a las taaw ale o mat Yoseef jeg’un.

Mberaand 25:33

Maaga, Yakoob a layaan ee: «Daaɓooxeen kañ!» Esawu a daaɓooxaan soo a jikoox a Yakoob a las taaw ale ten.

Mberaand 9:27

Yaasam Roog a xayand o jeg Yafet! Yaasam ta gen no ƭiif ke Seem, soo Kanaan a ref o paɗ den!»

Mberaand 27:30

Ye Isaak a barke’na a Yakoob boo a ƴut, Yakoob a inooxa me faap um, a ret, ɓaatnee dara, Esawu a inoor no nqawlax ne ten a gatiid.

Mberaand 27:40

Na pexey laƥ of o bugko ñoowtaa, o ndeɓ of o mat, xan o neewandoox mbaambir um. Xan o joqooyooxaa o mbiñ fo mbiñ, ndaa xan o ɓol kadoor ke ta gadinkang.»

Mberaand 37:10

A wetandooxaan a faap um fo fog faap we ten. Faap um a xasanaan, a layin ee: «Xar o ƭaaɗ oleene a tektu? Ndax kaa i ngarkaa, mi fa ya of fo maag of, ngungaa a lanq mbaambir of?»

A lim ale 24:18

Xan saax le Edoom a jaɓel. Kaam ee xan fañ we a njaɓ a Seyiir, too xan Isra’el a fi a pi katil.

Esayi 60:12

Saax le mbaat maat ne ndagooxkeeroonga xan a saŋkoox. A saax akeene xan a ngefel tuƈ.

Esayi 60:14

Xa ƥiy axe no we ñagadiloogoonga xan a matiidong, a lupandoox. Fop we nqaadnooxoogoonga xan a ngooknoox na caf of, a nqoyang teeru fee no Yaal oxe, Siyoŋ fee no Tedu xe Isra’el.