Mberaand 27:27 - NQAARIIT NE ROOG

²⁷ Yakoob a matiidaan, a farakooxin. Isaak a duñnooxa tikoorik ke Esawu ta rokoox’ina. Cinj kaaga, a barke’aan ee: «Tuñ ke no ƥees kaa nand nen tuñ o qol o naatu laa o Yaal oxe a barke’na.

Mberaand 27:27 Referans Kwoze

Hebre 6:7

Boo andoona yee lanq a nquƥa sap yaam a ndeɓel ne waritna, soo a sax daaƭ laa jegna o njiriiñ no xe xooxuuna, yaaga a ndaawa na barke fee Roog.

A kim a tedu ke 65:10

Kaa o topatooxaa lanq ke, sooraa a den bo da nquƥ sap soo neqnin. Wo Roog, o xuluɓ ole wo a maya muut fo foofi. Kaa o jagandanaa wiin we a saxad. Neeke o jagandtaa lanq ke:

Mberaand 26:12

No hiid olaaga, Isaak a duufa no saax laaga, soo a saxad boo tap um a may, yaam o Yaal oxe kaa barke’un.

Hebre 11:20

O ngim tax’u Isaak a coox a Yakoob fa Esawu barke fee heloorna fo ke refna mbaambir den.

A kim ale na kim ake 2:13

Ndun ne xe morolaa, soo taxar biiñ ke mbiɗna a naang sur a qeeñaan den. Wo fee jaranaxama kuu refna, o mosu xe mi, inooxi gar!

Mberaand 27:15

Cinj kaaga, Rebeka a xota tikoorik mosu ke Esawu fee taaw um ndeeƭna no mbind naa, a rokan a den a Yakoob fee o ndeɓ.

Mberaand 27:26

Maaga, Isaak fee faap um a layaan ee: «O ƥees, matiidi boog too farakooxaam.»

Mberaand 48:10

A kid ake Yakoob kaa niifaar’atu yaam nogoy ne, waag’atee a ka. Yoseef a matandiida a den me ten, soo a foon a den, a farakoox a den.

A cangatin ale 33:13

Keeke a layu na carind ale Yoseef: «Yaasam o Yaal oxe a barke’it saax den ci’it ke moƴna o mbaax na ngataa na asamaan, fo poofi ke moƴna o mbaax na juwaam fee,

Mberaand 27:39

Isaak fee faap um a doonaan ee: «Ga’i, xan o gen maa goƭna lanq qaadu ke fo liim le na yentiidaa na asamaan.

Mberaand 48:15

A barke’a a Yoseef ee: «Yaasam Roog fee Abraham fa Isaak, we daan es a ñaaƴoogna mbaambir um, yaasam Roog fee na gayaxam no kaa xotitna no ñaal naa rimeema boo xaye,