Mberaand 27:19 - NQAARIIT NE ROOG

¹⁹ Yakoob a doona a faap um ee: «Mi yoo, Esawu fee taaw of! Fi’aam ke lay’axamoona. Inooxi, ñaam, ndax o barke’aam!»

Mberaand 27:19 Referans Kwoze

Esayi 28:15

Kaa nu layaa yee: «I ndalna ngiɓoor fa fa nqon fee, njeg nanoor fa jaaniif. Taamaala fee a bug oo biltoox, daawkee a in, yaam o maaɓ ole refu ndaɗand in, soo naanaxir ke a ref laqooxand in.»

1 Maad we 14:2

Yerobowam a laya o teem ee: «Kaa o supitkaa a tokax, ndax o leng andidkee yee o tew Yerobowam refo soo ret Silo maa no tuleer Ahiya fee lay’axama yee xam maadooxan xeet feeke.

Mberaand 27:21

Isaak a laya a Yakoob ee: «Matiidi boog um naƥnong boo and ndax wo oo o ƥees Esawu ndax nam.»

Mberaand 27:4

Fat o jawanaam o ten njaw mbelu ne bugtanuuma, soo ɓisiidaam o ten, um ñaamin, ndax um barke’ong bo um helko fo xonaa.»

Mberaand 25:25

O eetaand oxe garna kaa fom’u, cer ke a may wiil nen sabadoor mbi’te a ƥiñ. A ne’aan Esawu.

1 Maad we 13:18

O tuleer o nogoyu xe koy a xoxa, a layin ee: «Mi itam o tuleer refum nen a wo. Malaaka a daawnaxam fa lay feeke no Yaal oxe yee: ‹Ɓiseen no mbind of, ndax ta ñaam soo a yer.› » No keene fop koy, kaa ta maaɓoogun.

Mberaand 25:28

Isaak kaa fex’u a Esawu, yaam ne ta ñaamoogna puufuɗag ke, Rebeka koy a fex a Yakoob.

Mberaand 27:18

Yakoob a gara me faap um, a layin ee: «Baa!» Isaak a jaaɓ ee: «Oow o ƥees! Wo an oo koy?»

Mberaand 27:31

Ten itam a jawa, a ɓisiid a faap um, a layin ee: «Baa! Inooxi, ñaam mbuufuɗag ne waraniidoonga, mi fee o ƥeef, ndax o barke’aam.»

Mberaand 27:35

Isaak a layaan ee: «O ndeɓ of garu fo nqooƭ-nof, soo a jang barke fee wo.»

Mberaand 27:45

boo yaa o say ole o maag of a sayanoonga a watna, ta weecit ke fi’anoona. Maaga, xam xoyniidong. Andiim xar na taxkaa um ñak a nuun nuun ɗik fop no ñaal leng kut ne?»