Mberaand 26:8 - NQAARIIT NE ROOG

⁸ Ne Isaak a miñ’ina no saax le, bes, Abimelek fee o maad no Fiifilista we a foda no falangteer ole soo a ga Isaak a ŋasaa fa Rebeka fee o teem.

Mberaand 26:8 Referans Kwoze

Esayi 62:5

Iyo, ne o fes a gilgitaa o njaaƈ o ndoog, neene mboƥ ne wo a njegitkang. Ne o kulook a ɗaaynoortaa o kor um itam, neene o refitkaa o ɗaay no Yaal oxe.

A kim ale na kim ake 2:9

Oxe buguuma bug kaa nandtaa mbat mbaat njaf ndeɓ. O ten oo xeene, a geenooxa laqa tabax ne in, a wootnoortaa no falangteer ole, a kid um a miric-miricnaa no tagar ne.

Xa peƭit axe 7:6

Kaam fod’u no falangteer a ndok es, ɗeettaa no tagar ne.

Haahate we 5:28

Ya Siisera oxe ɗeettaa no falangteer ole, a wootnoortaa no tagar ne, a joytooxaa yee: «Xar taxu a sareet-xire le ten feeñafulee? Xar taxu a sareet-xire ke ten a niidit neeke?»

O baawaare xe 9:9

Muudoori o ñoow ole fo o teef oxe bugoona, na pe ake no ñoow kasaara le Roog a danqoonga took lanq ke, yaam ten refu a las of no ñoow ole, no ke ŋus-ŋusnoona fop ɗuga njeeƈ ne.

Mberaand 26:7

Ye wiin we no saax le a laamtan mayu kaa jofna no teem, a doona a den ee: ‹O cigeen es oo de!› Kaa saɗaroogu o lay a den ee o teem oo, ndik da mbarin, yaam Rebeka kaa mos’u lool.

Mberaand 26:9

Abimelek a xoyna a Isaak, a layin ee: «Mee ndax o teef oo! Nam waago layit boog ee o cigeen of oo?» Isaak a doonaan ee: «Kaam lay keene took o fañaa warel yaam o ten.»