Mberaand 26:4 - NQAARIIT NE ROOG

⁴ Xam mayƭand xa taan of, da mayit nen xa qoor axe na asamaan. Cooxe kene fop, xam ci’in xa taan of, too qeet ke no lanq ke fop na xa taan of a mbarke’itkeel,

Mberaand 26:4 Referans Kwoze

A pi ake 3:25

Nuun ndefu xa ƥiy axe no duleer we, too nu mboga no ngiɓoor ne Roog a dalin’ina fo daan we in, ye ta layna a Abraham ee: ‹O ndaan of a cur barke a refkaa no ƥasil ke na adna fee fop.›

Galati 3:8

A Pind a Tedu ke a laya yaaga yee xan Roog a ɗeet we ndefeerna Yaawuur nen jofu yaa da ngimna. Ten taxu Roog a yegna a Abraham yegil mbaax ne, ye ta layna yee: «Qeet ke fop na wo a mbarke’itkeel.»

Mberaand 15:5

A ɓisaan tafil faa soo a layin ee: «Limi xa qoor axe, o waagangaa lim a den!» A ɓaata teen ee: «Neene mat xa taan of a mbodkaa!»

A sutax ale 32:13

Wetandooxi a Abraham fa Isaak fa Isra’el, dag we wo daaɓooxoona wo fa xoox of ee: ‹Xam saqtin xa taan nuun, da mayit nen xa qoor axe na asamaan, coox a den saax le regtuuma, da njegkin boo faw.› »

Mberaand 13:16

Xam fi xa taan of a mayit nen pep lanq, a may boo mbaagkaand o lim ne pep lanq a mbaagaandeena o limit.

Galati 3:16

Ke regteena koy, Abraham fo o ndaan um njegun, yaam a Pind a Tedu ke layee yee «fo xa taan um» nen yaa ta jeg’ina xa taan xa mayu, ndaa o leng kut a ne’oogu, ye ta layna yee «fo o ndaan of», ta ref Kiristaa.

A kim a tedu ke 72:17

Gon um ñufkee boo muk, too ten adooxu meen njeeƈ ne. Xan wiin we a mbarke’teel gon um, a saax ake fop a ƭaayit no ten.

Hebre 11:2

Roog a jaɓ’a daan waa yaam o ngim den.

Mberaand 18:18

Xan Abraham a ref o taan no xeet fa maak fa njegu doole, too qeet ke no lanq ke fop no ten a mbarke’itkeel.

Mberaand 15:18

A koom o Yaal oxe a dalna ngiɓoor fa Abram ee: «Saax leeke, ci’aanum xa taan of no ke xotitna no xuluɓ olaa Misira boo no xuluɓ o maak olaa refna ref Ofrat,

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Mberaand 28:3

Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

Mberaand 28:14

Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.

Mberaand 35:12

Xam ci’ong saax le ci’uuma a Abraham fa Isaak, too xam ci’in xa taan of.»

Mberaand 47:27

Isra’el fo ƥasil um a ngen’a kam Misira no jegel olaa Goseen. A mbaaƭa maaga halal, a ndimatir boo a mayat lool.

A sutax ale 6:4

Dalnaam ngiɓoor fa den, ndax um coox a den saax le Kanaan, saax le da ngenoogna, a ndef teen xa kataakoon.

A cangatin ale 9:5

Refee muk ee nu njarin mbaat a qeeñ a cofu nuun taxu nu njang saax le den, njegkin. Coxod ne no qeet keene mat fo ke o Yaal oxe Roog nuun a daaɓoox’ina fo daan nuun Abraham fa Isaak fa Yakoob taxu ta raxit a den mbaambir nuun.

A cangatin ale 13:17

Fat nu mbokat kalal ke fop na baayo fee na teeru fee, cinj kaaga nu ndaaɓin fa teeru fee fop. Xan a ref nen sadax faa doxaneena o Yaal oxe Roog nuun. Fat o mbiñ onqeene a refat juum kefatin boo kili, too baa maxatinel boo muk.

1 Caloori ke 27:23

Dawid lim’ee we njegna xa kiid qarɓeen ƭik a gar a lanq, yaam o Yaal oxe kaa lay’u yee xan a fi boo Ii-isra’el we a mayit nen xa qoor axe na asamaan.