Mberaand 26:29 - NQAARIIT NE ROOG

²⁹ Daaɓooxi yee fi’kiro a in paaxeer leng ne i toroxandteeroonga, a refangee o mbi’anong paax rek, soo nqaƴong o ret na jam. Ndiiki koy, o Yaal oxe a barke’aang.»

Mberaand 26:29 Referans Kwoze

Mberaand 24:31

A layaan ee: «Gariidi wo fee o Yaal oxe a barke’na. Xar taxu sax o moof meeke? Jagandanaaxoong maa fe’oona too keeleemb ke wo sax a njega maa da ndefna.»

Mberaand 21:22

Na jamaane faaga, Abimelek a yoona fa Pikol fee o aa-adax no xiixire we ten, soo a lay a Abraham ee: «Roog oxey fa wo no fop ke o fi’aa.

A kim a tedu ke 115:15

Yaasam o Yaal oxe sakna asamaan fo lanq a barke a nuun!

Mberaand 22:17

xam barke’ong, mayƭand xa taan of, da mayit nen xa qoor axe na asamaan fo nen pep lanq na ƥeeraamb o maag. Xa taan of na mbugko maadooxa took fañ den.

Mberaand 12:2

Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa.

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»