Mberaand 26:24 - NQAARIIT NE ROOG

²⁴ No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Mberaand 26:24 Referans Kwoze

A sutax ale 3:6

Maaga, a ɓaata teen ee: «Mi refu Roog fee na faap of, ref Roog fee Abraham fa Roog fee Isaak fa Roog fee Yakoob.» Moyiis a muurooxa, yaam kaa saɗaroogu o ɗeet a Roog.

Mberaand 17:7

Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

A pi ake 7:32

‹Mi refu Roog fee daan we nuun a mbaɗooxoogna, Roog fee Abraham, Roog fee Isaak fa Roog fee Yakoob.› Maaga, Moyiis kaa sendoogu ne ta fodeena fop, too saɗ’ee o ɗeet sax.

Mberaand 24:12

Cinj kaaga, a laya yee: «O Yaal oxe, Roog fee Abraham fee o yaal mbind es, kaam xeɗang o xetandaam fo ke buguuma xaye too o lal a Abraham fee o yaal mbind es o paaxel of.

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

Mberaand 28:13

O Yaal oxe koy, kaa geenoox’u paam um, soo a layaa yee: «Mi refu o Yaal oxe Roog fee no taan of Abraham, Roog fee Isaak. Lanq ke wondooxoona, xam ci’ong a den, wo fo xa taan of.

Mberaand 13:16

Xam fi xa taan of a mayit nen pep lanq, a may boo mbaagkaand o lim ne pep lanq a mbaagaandeena o limit.

Hebre 13:6

Ten taxu i mbaag o lay fo a koolax ee: «O Yaal oxe refu oxe na ƴufgiidaxam, saɗariim dara. Xar o kiin a waagankaxam?»

YEGIL MBAAX NE YEESU ne Lik a bindtuuna 12:32

«Ba nu mbit dara, o njiir onqe nu ndefna ndef! Yaam a fela a Faap nuun boo ta ci a nuun Maat um.

Mace 22:32

‹Mi refu Roog fee Abraham fa Roog fee Isaak fa Roog fee Yakoob.› Roog refee Roog fee no xon we, ndaa Roog fee no ñoow we.»

Esayi 44:2

Keeke o Yaal oxe sakoonga, a moolong no fud ya of too a dimle’ang, a layu: Ba o saɗar dara Yakoob, wo fee o tag es, wo Yesurun fee jiluuma,

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

Esayi 12:2

Roog fee muclaxama oxey. Hoolooxaanum, too diidkatiim dara. O Yaal oxe refu doole es, too ten soom um gimaa, ten fee o Muumucil es.»

Mberaand 31:5

A laya a den ee: «Kaam ɗeetloox ee a tagid faap nuun letatee na mi nen eetaand. Kaa koy, Roog fee na faap es a reeƭa fa mi.

Esayi 51:12

«Mi yoo, mi refu oxe na yaalaa a nuun. An refo boo saɗaraa o kiin oxe na xonkaa, o ƥiy Aadama fee muj um a refkaa nen fee no daaƭ le?

Esayi 51:7

Nan-gilooxaamoo nuun we andna o cofel, nuun xeet fee njegna a cangin es na qeeñ nuun. Ba nu saɗar naqadil ke no wiin we, too ba nu send yaam a ben ake den.

Mberaand 22:19

Abraham a nomtooxiida me no dag we ten, soo da yoon, a nqaad Beer-Seeba, yaam maaga Abraham a genoogu.

Hebre 11:16

Kaa koy, no ndigil, kaa yaakaaroogu mbaafaap naa moƴna o faax, ta ref ne refna na asamaan. Ten taxu, Roog naagee o jegaa gaci fa leng yaa ta xoyeena Roog fee den, yaam o ten fa xoox um o mat jagandanu a den teeru feene.

Mberaand 17:8

Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»

Mberaand 21:17

Roog a nana xa buuq axe no goor ole. Malaaka fee no Yaal oxe a foda na asamaan, a xoy a Agaar, a layin ee: «Agaar xar oo? Ba o saɗar dara, yaam Roog a nana xa buuq axe no goor ole meene ta refna sax.

Mberaand 22:17

xam barke’ong, mayƭand xa taan of, da mayit nen xa qoor axe na asamaan fo nen pep lanq na ƥeeraamb o maag. Xa taan of na mbugko maadooxa took fañ den.

Mberaand 28:3

Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

Mberaand 28:15

Mi fa xoox es, mexey fa wo. Xam saytooxong muu refoona, too xam nomtiidong o mbiñ onqene. Xaƴkiroong muk a refangee kaa um fadin ke layuuma.»

Mberaand 30:27

Laban a layaan ee: «A soƥangaa yee daawaam yirmande of, yoqi mene. Kaam layel no mbeeñil ee wo taxu o Yaal oxe a barke’aam.»

Mberaand 46:1

Isra’el a xota a ƭat, ten fo ke ta jegna fop. A fadiida Beer-Seeba, soo a ɓoxot a Roog fee na faap um Isaak sadax.

A cangatin ale 13:17

Fat nu mbokat kalal ke fop na baayo fee na teeru fee, cinj kaaga nu ndaaɓin fa teeru fee fop. Xan a ref nen sadax faa doxaneena o Yaal oxe Roog nuun. Fat o mbiñ onqeene a refat juum kefatin boo kili, too baa maxatinel boo muk.

Mberaand 39:2

O Yaal oxe a reeƭa fa Yoseef boo no kuu ta rok’ina rek a suur teen. Yoseef no mbind no yaal mbind um oxe jik’uuna a genoogu.

Mberaand 39:3

O yaal mbind um a ga’a yee o Yaal oxe xey fa Yoseef, boo no kuu oxeene a ɓek’ina o ɓay um rek, o Yaal oxe a barke’in.

A sutax ale 14:13

Moyiis a doona xeet fee yee: «Ba nu ndiid. Moofyo o mbiñ o leng. Xaye xan nu nga ne o Yaal oxe a watitkaa a nuun, yaam Miimisira wene nu nga’aa, xaye nu ngijkataa o nga a den.

A paɗax ale 26:42

xam wetandoox ngiɓoor ne mi dalnuuma fa Yakoob fa Isaak fa Abraham, we daan den, wetandoox itam a tegit ale mi no kaa farna no saax den.

A paɗax ale 26:45

Xam wetandoox a den, wetandoox itam ngiɓoor ne dalnuuma fo daan den yaaga, ye suttuuma a den no saax laa Misira mbaambir qeet lakas ke, ndax um ref Roog den. Mi refu o Yaal oxe.»

A cangatin ale 31:6

Saƭakinooxyo too saq njambaar. Ba nu saɗar too ba nu send mbaambir den, yaam xan o Yaal oxe Roog nuun fa xoox um a ñaaƴ fa nuun. Xaƴkee a nuun muk too waaskee a nuun.»

Ruut 3:11

Ndiiki koy, o ƥees, ba o saɗar, xam fi’anong fop ke o laykaa, yaam o mat no nqel naa Roog sax oxuu refna a anda yee gor refo.

1 Maad we 17:13

Maaga, Eliya a layaan ee: «Ba o saɗar dara, reti xaad, o fi ne layoona. Kaa rek, fat o eet o juɗanaam teen o ngaf, ɓisiidaam o ten, soo sogkaa fi’an a xoox of fo o ƥeef.

A ƭomatax ake 3:57

A koom alaa ƴufginooxoonga, matiidaa soo lay ee: «Ba o diid!»