Mberaand 26:23 - NQAARIIT NE ROOG

²³ A inoora maaga, a ret Beer-Seeba.

Mberaand 26:23 Referans Kwoze

Haahate we 20:1

Ii-isra’el we fop a mbokatoora, a ndef leng, mbaambir no Yaal oxe kam Mispa. A inoora muu refna, xotitna Dan, no ɓemb-roog o janoon, boo Beer-Seeba, no ɓemb-roog o ñamaak, fo saax laa Galaad, no batand.

Mberaand 46:1

Isra’el a xota a ƭat, ten fo ke ta jegna fop. A fadiida Beer-Seeba, soo a ɓoxot a Roog fee na faap um Isaak sadax.

Mberaand 21:31

Ten taxu o mbiñ onqaaga a ne’el Beer-Seeba, yaam maaga a ndaaɓoorit’u den ɗik fop.

Mberaand 21:14

Abraham a inooxa ƥiiɓ teel, a xot puuru fo mboxos, a cooxin a Agaar ta gadooxin. A cooxaan itam o goor ole, soo a raxin. Agaar a reta, a mo’ik kam a koƥ-a-ƥor alaa Beer-Seeba.

Mberaand 22:19

Abraham a nomtooxiida me no dag we ten, soo da yoon, a nqaad Beer-Seeba, yaam maaga Abraham a genoogu.

Mberaand 28:10

Yakoob a inoora Beer-Seeba, a waasooxan a Xaraan.

Amos 5:5

Ba nu ndet Betel, kaam ee, ba nu ndet boo Gilgal, too nu ndeyee ƈaktooxaa Beer-Seeba, yaam we Gilgal xan a ndefik faɗ, we Betel a nduguñel.