Mberaand 26:18 - NQAARIIT NE ROOG

¹⁸ Isaak a waqatina kas ke mbaq’eena na jamaane faap um Abraham, too Fiifilista we a uup’u a den a cinj ye Abraham a xonna. A ne’ahina a den a kon a leng kut ake faap um a ne’ina a den.

Mberaand 26:18 Referans Kwoze

Sakari 13:2

O Yaal oxe Hupna fop kaa tee: «A koom xam suud no saax le pangool ke, sañ a den na yiif no wiin we boo xoo, in meen duleer maamaaɓ we fo a yiif ake nqoxna no nqoolaƭar.

Hoose 2:17

Maaga um ɓoxotitkan a ƭing taxar biiñ um soo supit a yulanq Taamaala le o don-maax yaakaar. Maaga a jaaɓitkaa nen ye ta roogaa, nen a koom alaa ta sutoorna Misira.»

A kim a tedu ke 16:4

We na ƈufginooraa pangool ke, coono den soom a ƥaataa. Mi o mat, ɓoxotkiim a den sadax fo’oy, ne’kiim a kon den sax.

A lim ale 32:38

fa Nebo fa Baal-Me’on fa Sibma, soo a ne teeru leng-leng ke da maxatin’ina a kon a qas.

Mberaand 21:31

Ten taxu o mbiñ onqaaga a ne’el Beer-Seeba, yaam maaga a ndaaɓoorit’u den ɗik fop.

Mberaand 21:25

Kaa koy a xasana a Abimelek yaam a ngas foofi laa faɗ we Abimelek a njaɓit’ina no ten.

Mberaand 26:17

Isaak a inoora maaga, soo a ret a dal na yulanq alaa Geraar, a genaa maaga.

Mberaand 26:19

Dag we Isaak a mbaqahina a ngas na yulanq alaa, soo a njeg maaga a ngas foofi fo fel.

2 Caloori ke 26:10

A maxa itam xa yetooxand kam xa cegel axe na koƥ-a-ƥor ale, a waq kas mayu yaam kaa jeg’u xa siir xa maak. A jeg’a itam xooxoox no saax le a lanq fo na xa saawit axe, a jeg ɗiiɗing taxar biiñ na xa coong axe fo kam Karmel, yaam o kiin o pexu a qooq a reeƭu.

Mberaand 21:30

Abraham a doonaan ee: «Jaɓi um cooxong a den, ndax ta ref seede yee mi o mat waqu a ngas ale.»