Mberaand 26:14 - NQAARIIT NE ROOG

¹⁴ A jeg’a a ked fo xa siir xa mayu fo dag mayu. Fiifilista we kaa siisoogatu a Isaak sax.

Mberaand 26:14 Referans Kwoze

Mberaand 37:11

Ciis maak a dama fog faap we ten, ndaa faap um o mat a geeka xa ƭaaɗ axeene no yiif um.

O baawaare xe 4:4

Ga’aam ee ŋus-ŋus fuu refna fo calel ñaaƴu kuu ndefna ciis rek garu fo ten. Keene kaa refahin kasaara fo a ƥaaƈ a ƥor.

Xa peƭit axe 27:4

Ngañak kaa yedin, fuux le a ref nen poofi kaa mbalna, naal koy, an waagun o xox?

Xa peƭit axe 10:22

O Yaal oxe a barke’angaang, o jeg halal, a koorgoorlax of waagee o ɓaat teen tig.

A kim a tedu ke 112:3

Paax fo kalal ngenu no mbind um, too o cofel um kaa ref boo kili.

Ke bindeena no xe ne’eena YOB 42:12

O Yaal oxe a barke’a ke yoqna no ñoow ole Yob kupu ne ta fi’it’uuna eetaand. Neene, Yob a jeg’ata cegel cuni xarɓaxay fo cuni nahik na ked ake ten fo na xa siir naak axe ten, keeleemb ke a ndef cuni ɓetuu fa leng, qoox ke a ndef cuni ƭik, soo xa paam xa tew axe a ndef juni.

Ke bindeena no xe ne’eena YOB 5:2

O ƥodaxu xe kaa saŋkooxaa yaam fuux um, o ƭof oxe a xonaa yaam o mat xeeñ um.

Ke bindeena no xe ne’eena YOB 1:3

a jeg cegel cuni ɓetuu ƭik na ked ake ten, keeleemb ke a ndef cuni tadik, qoox ke a ndef juni, soo xa paam xa tew axe a ndef teemeed ƥetik. Jaajal we no koor oxeene itam a siw’a lool, too ten moƴ’u o ref o siide no batand ne fop.

1 Sami’el 18:9

No kaa xotitna no ñaal naaga, Sawul kaa ɗeetoogatu a Dawid a ngid a pariƴ.

Mberaand 13:2

Abram a jeg’a halal tigi, ta ref no cegel, na xaaliis fo na wurus.

Mberaand 12:16

Abram o mat a dalne a paax yaam o tew oxe. A cooxe a ked fo xa siir fo xa paam fo faɗ goor fo rew fo xa paam xa tew fo keeleemb.

A kim a tedu ke 112:10

O soxodu xe a seede’aan soo a fuux. Kaa ƴaxrandaa a ñiiñ, a sooyaa. A yuxum no soxodu we kaa kasaara’ooxaa.

Mberaand 24:35

O Yaal oxe a barke’a o yaal mbind es, too o kiin o maak oo ndiiki. O Yaal oxe a ci’aan a ked fo xa siir, xaaliis fa wurus, dag fo jeefeer, keeleemb fo xa paam.

Mberaand 25:5

Abraham a ci’a a Isaak ke ta jeg’ina fop.

Mberaand 30:43

Yakoob kaa moƴ’u moƴ o jegaa halal. A jeg’a a ked a mayu, jeefeer fo dag, keeleemb fo xa paam.