Mberaand 25:8 - NQAARIIT NE ROOG

⁸ Abraham a xona a cinj ye ta jegna nogoy mbelu fo o xuuɗ-o-ñis. Cinj kaaga, a daba daan um.

Mberaand 25:8 Referans Kwoze

Mberaand 49:33

Ye Yakoob a ƴutna no maƭooxaa xa ƥeem, a wondooxatina no njong um, a fadnoox soo a dab daan um.

1 Caloori ke 29:28

Dawid a xona ye ta nogoyna tigi, too a may’a halal fo o ndam. O ƥeem Salomo a rondandaan no maat naa.

Mberaand 15:15

Wo o mat, xan o dab daan of na jam, gasel a cinj yaa nogoyoona nogoy mbelu.

Ke bindeena no xe ne’eena YOB 42:17

Yob a ñoow’a boo a deyƭoox soo a xonkaa.

Mberaand 25:17

Isma’el a ñoowa fop oo fop xa kiid teemeed fo xa kiid qarɓeen tadik fo xa kiid ɓetaa ƭaq. Cinj kaaga, a daba daan um.

A pi ake 13:36

Dawid a fi’a ke o Yaal oxe a bugna na jamaane um. Cinj kaaga, a xona, a gasel paam daan waa ten, too a fota.

Xa peƭit axe 20:29

Doole refu qaaƴoor no mbes ke, xa puum a ndef kañoor no nogoy we.

Ke bindeena no xe ne’eena YOB 5:26

Xan o ɗisel xa puum soo xonkaa, ne ngaaf a saxadteel na waxtu um.

Haahate we 8:32

Gedeyon fee o ƥiy Yowaas a nogoy’a tigi soo a xonkaa, a gasel paam a mboy alaa Yowaas fee faap um maaga Ofra, a qaw ale Abiyeseer a njegna.

Mberaand 25:7

Abraham a ñoowa fop oo fop xa kiid teemeed fo xa kiid qarɓeen ɓetuu ƭik fo xa kiid xa ƥetaq.

A pi ake 5:10

Na waxtu faaga sax, o tew oxe a yena na caf Piyeer, a ɓut naaga. Yaa mboƥ ngoor naa a ndokiidna, a soƥaan ta xon, too a ƥisaan, a ngeekin paam o kor um.

Mberaand 49:29

Cinj kaaga, a hebla a den ee: «Yaa um dabkaa daan es, fat nu ngaskaam maa no daan es no luf naa refna no qol olaa Efron o Heeheet oxe.

A pi ake 12:23

Na waxtu faaga sax sax, malaaka no Yaal oxe a xawa a Herood, yaam ɓoxot’ee a Roog tedaanga. Maaga, kusax a ñaamaan, soo ta xon.

A pi ake 5:5

Yaa Anañaas a nanna fa lay faaga, a yena, too a ɓut. Waa nan-gilooxoogna fop a ndiida diid maak.

Yeremi 6:11

Kaam may muut fo fuux le no Yaal oxe, hatlatinum muk. O Yaal oxe a laya yee: «Ɓaxi fuux le mi boog took xa caaƈ xa tutuuñ axe no ped ke fo took teɓandoong ke fop. Goor fo rew, nogoy fo we ñaamna jamaane den, den fop xan a ƥisel.

Haahate we 2:10

Cinj kaaga, suk naaga fop a ndaba daan den itam, soo suk lakas naa andeerna o Yaal oxe, ne’atiim ke ta fi’anna a Isra’el, a ndeefan a den.

A lim ale 27:13

Xan o ga’in, cinj kaaga, o dab daan of nen a Aaroon fee o maag of,

A lim ale 20:24

«No miñeer, xan Aaroon a dab daan um. Rokkee no saax le um ci’kaa Ii-isra’el we, yaam kaa nu nanaƭaranit kebil es Meriba me foofi le a balit’ina.

Mberaand 35:18

Kaa koy, ne oxeene a xonoogna, a ref no laaŋaan, a ne’aan Ben-Oni, ndaa faap um a ne’aan Bensame.

Mberaand 37:35

Xa ƥiy xa koor axe fo xa tew axe ten fop a ngara ndax da yaalin, ndaa a faña o yaalel. Kaa layoogu yee: «Kaam bugko ñaawooxaa o ƥees boo yaa um xonkaa, soƥkin jaaniif.» A refa no loolaa o ƥeem rek.

A cangatin ale 32:50

Took o joong oleene o ŋaaykaa o xonitkaa soo dab daan of, ne Aaroon fee o maag of a xonitna took o joong olaa Hoor, a dab daan um,

Mberaand 50:13

Xa ƥiy axe ten a ƥisaan no saax laa Kanaan, soo a ngasin no luf naa no ɓil laa kam o qol olaa refna Makpeela paam Mamre. Abraham jikit’u o qol olaaga na Efron, o Heeheet oxe, ta refat o jeg um olaa ta fi’na poy.

1 Caloori ke 23:1

Ye Dawid a nogoyna tigi, a dalna o ƥeem Salomo o maad kam Isra’el.

2 Caloori ke 24:15

Yehoyada kaa nogoy’atu lool. A xona ye ta jegna xa kiid teemeed fo xa kiid qarɓeen tadik.