Mberaand 25:6 - NQAARIIT NE ROOG

⁶ Abraham a cooxa xa ƥiy axe no keƈ-a-salma ke ten ci’it, too ye ta maadna o ñoowaa, a ɓisa a den maa goƭna a Isaak fee o ƥeem farna fo batand no saax le no batand.

Mberaand 25:6 Referans Kwoze

Mberaand 21:14

Abraham a inooxa ƥiiɓ teel, a xot puuru fo mboxos, a cooxin a Agaar ta gadooxin. A cooxaan itam o goor ole, soo a raxin. Agaar a reta, a mo’ik kam a koƥ-a-ƥor alaa Beer-Seeba.

Haahate we 6:3

A mbanuu Ii-isra’el we a nduuf’ina xa qol axe den, Maamajan we, Aa-amalek we fo molaan lakas we no batand kaa ngaroogu a song a den.

A pi ake 14:17

Yaag oo toox de, Roog mosee o ñak o lalit ke ta refna na pexey paax ke ta fi’aa: Kaa ci’taa a nuun na asamaan a teƥ fo tiig paax, a ci’aa a nuun ñaamel ke ndeyna, soo a mayƭandaa a qeeñ nuun fo o ɗaay.»

Mace 5:45

Nu mbi’angaan, xan nu ndef xa ƥiy Faap nuun fee na asamaan, yaam kaa seeƈanaa faaxeer we fo faaxu we, a deɓanaa jofu we fo jofeer we.

Ke bindeena no xe ne’eena YOB 1:3

a jeg cegel cuni ɓetuu ƭik na ked ake ten, keeleemb ke a ndef cuni tadik, qoox ke a ndef juni, soo xa paam xa tew axe a ndef teemeed ƥetik. Jaajal we no koor oxeene itam a siw’a lool, too ten moƴ’u o ref o siide no batand ne fop.

Ke bindeena no xe ne’eena YOB 1:1

Kam saax laa Uus, a jeg’a o koor o ne’e Yob. O koor oxeene kaa woor’u too a jof. Kaa saɗar’u a Roog soo a wootooxaa paaxeer.

Haahate we 19:4

Faap fee no tew oxe a moofnoora o seemir um boo ta jeg ñaal tadik no mbind um. A ñaamooga, a yeraa soo a mbe’aa maaga.

Mberaand 35:22

Ye Isra’el a genna no jegel olaaga, Ruben a reta, a wondoox fa Bilha fee ngeƈ-a-salma ne faap um. Faap um a yega kaaga. Xa ƥiy axe Yakoob xarɓaxay fo ɗik a ndeeƭu.

Mberaand 32:22

Ci’it ne a adooxaan, soo ten o mat ta fe no saŋe naa no yeng olaaga.

Mberaand 25:1

Abraham a gilig’ahina o tew o ne’e Ketura.

Mberaand 16:3

Maaga, Saarayi fee o tew Abram a janga a Agaar fee o Miimisira xe refna ref o ceefeer um, a cooxin a Abram fee o kor um a cinj ye da ngenna xa kiid xarɓaxay kam saax laa Kanaan.

Mberaand 30:9

Ye Leya a ga’na yee fa ndim um kaa geenoox, a janga a Silpa fee o ceefeer um, a cooxin a Yakoob nen o teem.

Mberaand 30:4

A cooxaan a Bilha fee o ceefeer um, soo Yakoob a yoon fo ten.

2 Caloori ke 11:21

Rehabewam koy, Maaka fee o ƥiy o ndew Absalom a moƴ’u o fex ee rew lakas we ten fop. A jeg’a rew xarɓaxay fo rew ɓetuu daduk fo keƈ-a-salma qarɓeen ɓetuu fa leng, a jeg’a xa ƥiy xa koor qarɓeen ƭik fo xa ƥiy xa koor ɓetaa tadaq fo xa ƥiy xa tew qarɓeen ɓetuu fa leng.

Mberaand 29:1

Yakoob a xota a ƭat, a ret no saax laa no waa ngenna no batand.