Mberaand 25:21 - NQAARIIT NE ROOG

²¹ Isaak a xeɗooxana o teem me no Yaal oxe yaam ne ta reeƭna o timar. O Yaal oxe a jaɓa a qeƭ um, soo Rebeka a rok o fud.

Mberaand 25:21 Referans Kwoze

Esdaraas 8:23

Ten taxu i ngoor soo ƈufginoox a Roog in, too a jaɓa a qeƭ ale in.

YEGIL MBAAX NE YEESU ne Lik a bindtuuna 1:13

Kaa koy, malaaka fee a layaan ee: «Ba o diid Sakari, yaam Roog a jaɓa a qeƭ of. Xan o teef Elisabet a ñoot o ƥiy o ngoor, too fat o ne’in Saŋ.

Esayi 58:9

O Yaal oxe xan a jaaɓong, o xoyangaan. O ƴufginooxangaan, xan a layong ee: ‹Mexey.› O waasangaa ñagadil ƭomu ke me wo, waas lakas we o joxoñaa, waas ñu itam,

2 Caloori ke 33:13

A xeɗa soo o Yaal oxe a jaɓ a qeƭ ale, a nomtiidin Yeerusaleem no maat um. Neene, Manaase a and’ata yee o Yaal oxe refu Roog no ndigil.

1 Caloori ke 5:20

Na xire faaga, a nqeɗooxa o ndimle Roog. A jaɓa a qeƭ den soo a ƴufig a den, yaam ne da ngooloox’uuna. Maaga, a nqawa Aa-agaar we fo yoon den.

1 Sami’el 1:27

Keeke refu o njaaƈ onqe loolooxooguuma o Yaal oxe kam a qeƭ es, too a ci’axam o ten.

YEGIL MBAAX NE YEESU ne Lik a bindtuuna 1:7

Kaa koy, njeg’ee xa ƥiy, yaam Elisabet o tew o timar a reeƭu, too den ɗik fop kaa maak’atu.

Esayi 45:11

O Yaal oxe refna o Tedu xe Isra’el, ten oxe sakna xeet um, kaa laamtaa ndiiki yee: «Ndax mi o mat nu mbugu o laamit no kaa farna na xa ƥees, soo cooxaam bargal no ke waruuma o fi?

Xa peƭit axe 10:24

Ke o soxodu xe a saɗaraa na dalan, jofu we mat a ci’eel ke da nqememaa.

A kim a tedu ke 91:15

Xan a ƴufginooxaam, too xam jaaɓin. Xam ref fo ten, yaa ta refna na naqad. Xam watin, ɓoxotin o ndam.

Mberaand 11:30

Saarayi kaa reeƭu o tew o timar, jeg’ee o ƥiy.

A kim a tedu ke 145:19

Kaa jaɓaa a qeƭ no we saɗaruuna, a nanaa a ƈufginax den soo a mucil a den.

A kim a tedu ke 127:3

Xa ƥiy kaa ndef ci’it no Yaal oxe, o rim ole hatna no laaw ke a ref barke fa ngatu no ten.

A kim a tedu ke 65:2

Wo Roog, kam teeru fee Siyoŋ i ngelaang o simat too mbadin a tegit in fa wo,

Esayi 65:24

Boo da ngelko fo nqoyaxam sax, mi, xam jaaɓ a den, too boo da ngelko fo muukaa a qeƭ den, a soƥa jaɓaanum yaaga.

A kim a tedu ke 50:15

Ƴufginooxaam, yaa refoona na naqad, xam muclong, soo o ɓoxotaam o ndam.»

1 Sami’el 1:11

A regta too a lay ee: «O Yaal oxe, wo fee Hupna fop, a soƥangaa yee a kid of a ndoonooxa took es, mi fee naqadilooxna, ƴufgaam. O weecangiraam, mi fee o ceefeer of, ci’aam o ƥiy o ngoor, yaaga xam kesanong o ten no ñoow o ñis um fop, too ruusooxkee boo muk.»

1 Sami’el 1:2

Elkana a jeg’a rew ɗik, o leng oxe Xaan a ne’’e, o lakas oxe a ne’el Peninaa. Peninaa a jeg’a xa ƥiy, ndaa Xaan o mat, jeg’ee o ƥiy o leng.

Mberaand 16:2

Saarayi a laya a Abram ee: «Feek o Yaal oxe kaa xañaam fa ndim, reti boog o yoon fa Agaar fee o ceefeer es. Xeƈa xam jegit no ten o ƥiy.» Abram a fi’a ke Saarayi a layuuna.

1 Sami’el 1:17

Eeli a layaan ee: «Reti na jam. Yaasam Roog fee Isra’el a ci’ong ke xeɗanoona!»

Mberaand 30:22

Roog a wetandooxa a Rakel, a jaɓ a qeƭ um, soo a fi’in o tiirim.