Mberaand 25:13 - NQAARIIT NE ROOG

¹³ Keeke ndefu a kon ake na xa ƥiy axe Isma’el a reefandel no ne da maagatiritna: Nebayot, Kedaar, Adbeel,

Mberaand 25:13 Referans Kwoze

Esayi 60:7

Xa siir axe Kedaar fop xan a mbokatoor me wo, soo a suk paal ake Nebayot a ndefanong. Xan a ƥoxotel took o sadaxand ole mi nen sadax fa ndoxel faa felaxama. Neene, xam ɓoxot Mbind es mosu o ndam.

Esayi 42:11

Fat a koƥ-a-ƥor ale fo teeru ke ndefna teen a yoɗ a kim, fo njaate ne Kedaar a genna itam neen! Fat we ngenna Sela a soroxole! Fat a njibnit xa ƈeel no jul ole na xa coong axe.

A kim ale na kim ake 1:5

Nuun roog we Yeerusaleem, ɓalgaam ɗok, ndaa mosaam nen ƭiif ke Kedaar, nen coor mosandir ke na ndok Salomo.

A kim a tedu ke 120:5

Ndaw o ñaatu xe refuuma, mi fee refna o gataakoon kam Mesek, gen a ndeer ƭiif ke Kedaar!

Mberaand 36:3

Basmat fee o ƥiy o ndew Isma’el, too a ref o cigeen Nebayot.

Mberaand 25:14

Mibsam, Misma, Duma, Maasa,

Haahate we 8:24

Gedeyon a laya a den ee: «Leng kut um xeɗaa a nuun: Cooxaamoo, oxuu refna, xa keɗ axaa ta jaɓitna na xire faa.» Fañ we koy, kaa njeg’u xa keɗ wurus, yaam kaa ndeeƭu Ii-isma’el.

Yeremi 49:28

Ke yegniteena no Aa-arabi we Kedaar fo maat ke Hasoor Nebukadnesaar fee o maad oxe Babilon a xaw’ina. Keeke o Yaal oxe a layu: «Inooxyo songik a Kedaar, saŋik we ngenna no batand.

Mberaand 17:20

No kaa farna na Isma’el koy, nanaaxoong, xam barke’in, ci’in xa taan xa mayu. Xan gelwaar xarɓaxay fo gelwaar ɗik a ngat no ten, too xam fi no ten xeet fa maak.

Mberaand 28:9

Naaga, Esawu a reta maa Isma’el. A gilgita maaga, fogreerna fo rew we ta jeg’ina, a Mahalaat fee o ƥiy Isma’el fee o ƥiy Abraham, too a ref itam o cigeen Nebayot.

Yeremi 2:10

Ƥeryo boog boo no fimb laa Sipere, no mudand, too ƭeet. Lulityo Kedaar, no batand, ngoroox a paax too ƭeet boo nga, ndax a jega teen nandu neene.

Heseki’el 27:21

Arabi fo gelwaar we Kedaar fop kaa njikroogu fa wo. Kaa ƥisiidoogu no luuma ke wo paal, a suk paal fo a suk pambe.