Mberaand 24:7 - NQAARIIT NE ROOG

⁷ O Yaal oxe Roog fee na asamaan suttaxama no mbind faap es fo no mbaafaap es, a layaam fo a taaƥ ee: ‹Saax lene xam ci’in xa taan of!› ten fa xoox um xan a heblanong malaaka um ta adooxanong. Maaga boog, o waaƭanitkaa o ƥees o tew.

Mberaand 24:7 Referans Kwoze

Hebre 1:14

Xar malaaka ke a ndefu? Den fop a yiif akaa na mbaɗooxaa a Roog a ndefu, ta lulaa a den ndax da ƥisaa o ndimle me no we na ndaawkaa a muc ale.

A kim a tedu ke 34:7

Mi fee o ñaatu xe, wuuqaam, too o Yaal oxe a nanaxam soo a muclaam no naqad es fop.

A sutax ale 33:2

Xam luliid malaaka ta adooxan a nuun, too xam rax Kaakanaan we, Aa-amori we, Heeheet we, Peeperisi we, Hiihiwi we fo Yeeyebus we.

Mberaand 13:15

Saax le o ga’aa, xam ci’ong o ten, wo fo xa taan of boo faw.

A kim a tedu ke 73:24

Kaa o ɗoxtaxam yuuƥ of, boo pafat o jangaam no ndam of.

A kim a tedu ke 32:8

Mi o Yaal oxe. xam aqatinong soo lalong a ƭat ale waroona o reef. A kid es xan a ngaan na wo, um asang.

A sutax ale 32:13

Wetandooxi a Abraham fa Isaak fa Isra’el, dag we wo daaɓooxoona wo fa xoox of ee: ‹Xam saqtin xa taan nuun, da mayit nen xa qoor axe na asamaan, coox a den saax le regtuuma, da njegkin boo faw.› »

Mberaand 15:18

A koom o Yaal oxe a dalna ngiɓoor fa Abram ee: «Saax leeke, ci’aanum xa taan of no ke xotitna no xuluɓ olaa Misira boo no xuluɓ o maak olaa refna ref Ofrat,

Mbeeñil 11:13

Na waxtu faaga, a jega a yo’nax lanq a cegu doole, too a qaaj xarɓaxayandeer ale na teeru faa a girdooxa. Wiin cuni ɓetuu ƭik a nqona na yo’nax alaaga no lanq ke. Lakas waa koy kaa ndiid’u boo a ƥoxotaa a Roog fee na asamaan o ndam.

Hebre 11:9

O ngim tax’u ta jaɓ o ñoowaa nen o gataakoon no saax laa Roog a reg’uuna. Kam ƭiif a genoogu nen a Isaak fa Yakoob we ndaaw’ina ndegit leng neene na Roog.

A pi ake 7:5

Roog ci’iran dara kaa ta warna o jeg no saax le mbaat maa ta doonna o jaf um sax. Kaa koy, a regaan ee xan a ci’in o ten, xa taan um a njegkin a cinj um. Yaaga Abraham jeg’ee o ƥiy sax.

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

A kim a tedu ke 103:20

Simatyo o Yaal oxe, nuun malaaka ke ten, nuun a salma-koor a cegu doole ke na mbadnaa ke ta heblaa, yaa nu nanna o ñuxur um.

Yosuwe 1:6

Saƭakinooxi too saq njambaar, yaam wo o mat na xaajrandkaa xeet fene saax le daaɓooxuuma fo daan den ee xam ci’in a den.

A cangatin ale 34:4

Maaga, o Yaal oxe a layaan ee: «Keene refu saax le daaɓooxuuma fa Abraham fa Isaak fa Yakoob ee xam ci’in xa taan den. Lalaaxoong o ten na kid of, ndaa rokkiro teen.»

A cangatin ale 1:8

Keene refu saax le ci’uuma a nuun. Ndetyo njang saax le reg’uuma a Abraham fa Isaak fa Yakoob, mi o Yaal oxe, daaɓoox o ci’in a den, da njegkin, den fo xa taan den.› »

A lim ale 32:11

‹O leng no goor we sutoorna Misira too a njeg xa kiid qarɓeen ƭik a jof took, ga’kee saax le reguuma fo a taaƥ a Abraham fa Isaak fa Yakoob, yaam ndeefiraam fo ngor.

A lim ale 14:30

Nu ndokkee muk no saax le daaɓoox’uuma yee xan nu ngen teen, bo ta yoqaa Kaleb fee o ƥiy Yefune fa Yosuwe fee o ƥiy Nun.

A lim ale 14:16

‹O Yaal oxe waagee o ɗox xeet feene boo no saax laa ta daaɓoox’ina yee xan a cooxin a den. Keene o mat taxu ta saŋkit a den kam a koƥ-a-ƥor ale.›

A sutax ale 13:5

Yaa o Yaal oxe a rokinkaa a nuun kam saax le no Kaakanaan we, Heeheet we, Aa-amori we, Hiihiwi we fo Yeeyebus we, ta daaɓoox’ina fo daan nuun ee xan a cooxin a nuun, saax le fo sis fo suum a ndaxritaa, fat keene a ref o mbaax onqaa nu mbetandooraa o Yaal oxe kam o nqool onqeene.

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Mberaand 17:8

Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»

Yoona 1:9

Yoona a doona a den ee: «O Hebre refum, saɗar o Yaal oxe refna Roog fee na asamaan, sakna o maag ole fa jeeri fee.»

Esayi 63:9

Kam naqad den fop, refee oxaa luleena mbaat malaaka, ndaa mukit um sax sax muclu a den. Ten fa xoox um a wata a den no mbeq um fo na yirmande um. A meeɓa a den soo a gadoox a den no ñaal ke yaaga fop.

Esdaraas 1:2

«Keeke refu ke Kiirus fee o maad Persi a layna: O Yaal oxe Roog fee na asamaan a ɓoxotaxam maat ke na adna fee fop. A heblaxam um maxanin Mbind Yeerusaleem kam Yudaa.

Haahate we 2:1

Malaaka fee no Yaal oxe a inooriida Gilgal a gar Bokiim, a lay Ii-isra’el we yee: «Suttaam a nuun Misira, ɗoxiid a nuun no saax le reg’uuma daan nuun fo a taaƥ. Layaam ee: ‹Ɗegkiim ngiɓoor es fa nuun boo muk,

Mberaand 16:7

Malaaka no Yaal oxe a soƥa a Agaar paam a cur foofi kam a koƥ-a-ƥor alaa, na cur alaa refna paam a ƭat alaa jofna Suur.

Mberaand 21:17

Roog a nana xa buuq axe no goor ole. Malaaka fee no Yaal oxe a foda na asamaan, a xoy a Agaar, a layin ee: «Agaar xar oo? Ba o saɗar dara, yaam Roog a nana xa buuq axe no goor ole meene ta refna sax.

Mberaand 22:11

Maaga, malaaka no Yaal oxe a foda na asamaan, a xoy a Abraham, a layin ee: «Abraham! Abraham oow!» Abraham ee: «Oow!»

Mberaand 24:3

soo um daaɓooxnoorong no Yaal oxe Roog fee na asamaan, Roog fee no lanq ke yee waaƭanitkiro o ƥees o ngoor onqe o tew no Kaakanaan we genuuma a ndeer den.

Mberaand 24:40

soo ta doonaam ee: ‹O Yaal oxe reefuuma o bug ole ten, xan a heblanong malaaka um, soo a feland a ñaaƈ ale wo. Xan o waaƭanit o ƥees o ngoor onqe o tew no mbaafaap es.

A lim ale 11:12

Ndax mi fudu xeet fene? Ndax mi rimu a den bo o layaxam ee um ɓop a den ne o ƥasil a ɓoptaa o roɓtatin? Ndax mi waru o gadoox a den, boo no saax laa daaɓooxoona fo daan in ee xan o cooxin a in?

Yosuwe 24:3

Sutaam o taan nuun Abraham no saax le kaltaa Ofrat, ɗoxin muu refna kam saax le Kanaan soo ci’in xa taan xa mayu. Kaam ci’in a Isaak,

A kim a tedu ke 136:26

Ngidimyo a Roog fee na asamaan, yaam o mbeq um xan a maadaa boo faw.