Mberaand 24:61 - NQAARIIT NE ROOG

⁶¹ Maaga, Rebeka fo jeefeer we ten a inooxa, a ŋaay no keeleemb ke, ndax da yoon fo o tag oxe. Neene, o tag oxe a xota a Rebeka, soo a ret.

Mberaand 24:61 Referans Kwoze

A kim a tedu ke 45:10

Xa ƥiy xa tew axe no maad we a niwnooraang, lingeer fee geenooxna na ñamaak of a mosandoor wurus fee Ofiir.

Mberaand 2:24

Ten taxu o koor a xaƴaa a faap um fa ya um, a hiɓoor fo o teem, soo da ndefat njer leng kut

Esteer 8:14

Ndak fo ndak, ye o maad oxe a cooxitna kebil ne, we lul’eena a ndalfooxa o ŋaay pis kaa ngat’ina no kud ke no mbind no maad ne soo a ñof o ndet. Kebil neene a yegnite itam kam teeru fa njegu saŋe faa Suusaan.

Esteer 8:10

Xa leetar axe kaa mbind’el no gon no maad Asuwerus a mbegtel o ñaasir ole ten. Waa luleena a ŋaay pis ñofaan kaa muk, ngat’ina no kud ke no mbind no maad ne, a ƥisa a den.

1 Sami’el 30:17

Dawid a fun’a no xawaa a den boo no kirand naa. O leng daɗ’ee, a refangee xa pes teemeed nahik axaa ŋaay’ina keeleemb, a ƈuf.

Mberaand 31:34

Rakel kaa jang’u teex ke, a fi a den ɗuga qerxa ne ta ŋaaytaa ngeeleemb um, soo a moof took fee. Laban a joktooxa ƭiif naa fop too ga’ee tig.

Mberaand 24:60

A salana a Rebeka yee: «O cigeen in, yaasam o ref ya no cuni-cuni, xa taan of a ngarit fañ den took.»

Mberaand 24:62

Isaak koy a nomtoortiid’a na ngas alaa Laxay-Ro’i, soo a genaa no saax laa no ɓemb-roog o ñamaak.

Haahate we 5:30

«Ga’na rek xiixire we kaa njangalaa, a nqaajran: O koor oo koor a jeg o njaaƈ o ndew mbaat fo ƭik, Siisera a jeg tikoorik kaa nqaaɗeena, tikoorik kaa nqaaɗeena, a ngemeñel, o cok no xe xawna a widnel tikoorik qaaɗe kaa ngemeñeena.»

1 Sami’el 25:42

Abigayil a ñofa o inoox, a ŋaay o faam um, a yoon fo jeefeer um ɓetuk, da ndeefan we Dawid a lul’ina. Naaga, Abigayil a refata o tew Dawid.