Mberaand 24:59 - NQAARIIT NE ROOG

⁵⁹ A asoora fa Rebeka fo o tew oxe topatooxooguuna naa ta rime fo o tag oxe Abraham fo yoon um, soo a nqaƴ a den da ndet.

Mberaand 24:59 Referans Kwoze

Mberaand 35:8

Debora fee topatooxoogna a Rebeka naa ta rime a ñaka, soo a gasel paam Betel ɗuga ngariñ naa xoyoogateena Ngariñ ne na xa lool axe.

1 Tesalonik 2:5

Ne nu andtuuna, i mosee o saq fa lay fa koocir fa leng, too i mosee o mbaare’aa, ndax i njegit teen xaaliis. Roog a seede’a a in no keene sax.

A lim ale 11:12

Ndax mi fudu xeet fene? Ndax mi rimu a den bo o layaxam ee um ɓop a den ne o ƥasil a ɓoptaa o roɓtatin? Ndax mi waru o gadoox a den, boo no saax laa daaɓooxoona fo daan in ee xan o cooxin a in?

Mberaand 24:60

A salana a Rebeka yee: «O cigeen in, yaasam o ref ya no cuni-cuni, xa taan of a ngarit fañ den took.»

Mberaand 24:53

O tag oxe a suta pi’te xaaliis fo pi’te wurus fo tikoorik mosu, a ci’in a Rebeka. A ci’a itam o camin um fa ya um ɗaŋ maak.

Mberaand 24:50

Laban fa Betwel a ndoona yee: «Keene de no Yaal oxe a hatu, ten taxu i laykirang ii mbaat ha’aa.

Mberaand 24:54

Cinj kaaga, o tag oxe fo yoon um a ñaama, a yer, soo a mbe maaga. No feet nqes olaa, o tag oxe a laya yee: «Kaam jaɓ o nomtoox me no yaal mbind es.»

Mberaand 24:58

A nqoya a Rebeka, soo a laamtin ee: «Ndax bugaa o yoon fo o koor oxene?» A doona yee: «Ii, xam ret!»