Mberaand 24:56 - NQAARIIT NE ROOG

⁵⁶ A doona a den ee: «Ba nu miñandaam a koƥ. Feek kañ o Yaal oxe a felanda a ñaaƈ ale mi, nqaƴyo rek um nomtoox maa no yaal mbind es.»

Mberaand 24:56 Referans Kwoze

Esayi 48:15

Mi o mat laytun, doon teen xoyin soo ɓisiidin. No kuu ta rokna xan a barke.»

Xa peƭit axe 25:25

Ne foofi fo ɓuuɓu a nandna no kiin o qiju, neene o nan o felu laa inoorna no saax goƭu a nandu.

Yosuwe 1:8

Fat o gen no de’ooxaa fa lay fee no safe le no kebil ke, ɓaalan taa kam of ñaal fo yeng, ndax o reef a paax ke bindeena teen fop. Neene o fadnitkaa kuu hebooxoona, soo fop of a ñaaƴ.

Mberaand 24:40

soo ta doonaam ee: ‹O Yaal oxe reefuuma o bug ole ten, xan a heblanong malaaka um, soo a feland a ñaaƈ ale wo. Xan o waaƭanit o ƥees o ngoor onqe o tew no mbaafaap es.

Mberaand 24:54

Cinj kaaga, o tag oxe fo yoon um a ñaama, a yer, soo a mbe maaga. No feet nqes olaa, o tag oxe a laya yee: «Kaam jaɓ o nomtoox me no yaal mbind es.»

Mberaand 24:57

Maaga, a laya yee: «Fat i nqoy o toog oxe boo laamtin kañ.»

Mberaand 30:25

A cinj ye Yoseef a rimeena, Yakoob a laya a Laban ee: «Kaam jaɓ o xaad no saax es.