Mberaand 24:49 - NQAARIIT NE ROOG

⁴⁹ Ndiiki koy, a soƥangaa yee o paaxel nuun fo ngor nuun owey no yaal mbind es, layaamoo, a refangee naaga itam, layaamoo rek, boo um waag o and no ke damuuna.»

Mberaand 24:49 Referans Kwoze

Mberaand 47:29

Ye ta andna yee ndiiki ta dab daan um, a xoya a Yoseef fee o ƥeem, a layin ee: «A soƥangaa yee daawaam yirmande of, dooni o ɓay of ɗuga a ñaal es too o fesoor fa mi o paaxel tigi. Ke um xeɗang refu yee: Ba o gasaam kam Misira.

Yosuwe 2:14

Goor waa a ndoonaan ee: «Boo nu layeerna o leng tig no kaa farna na kar ale in, yaasam i nqon ndox, yaa tig a damna a nuun. Xan i lal a nuun o paaxel in fo ngor in, yaa o Yaal oxe a ci’kaa a in saax lene.»

Xa peƭit axe 3:3

Yaasam ba o sambir fo o paaxel fo ngor! Humi a den no cok of, bind a den no xeeñ of.

Mberaand 32:10

Yakoob a laya yee: «Roog fee no taan es Abraham, Roog fee na faap es Isaak, o Yaal oxe wo fee lay’axama yee: ‹Nomtooxi no saax of, no mbaafaap of, too xam fi’anong paax›,

A cangatin ale 2:27

‹Kaa i mbug o nqaañ no saax of. A qal a maak ale rek i ndeefankaa, mbañ o ƭap na ñamaak mbaat na janoon.

A lim ale 20:17

Ngela ci’i a in i nqaañ no saax of. I ndeefkee kam xa qol axe mbaat na ƭing taxar biiñ ake, too i yerkee no kas ke. Xan i ndeef a qal a maak ale, mbañ o ƭap na ñamaak mbaat na janoon boo yaa i sutooxkaa o fiisel of.› »