Mberaand 24:45 - NQAARIIT NE ROOG

⁴⁵ Ye um helkaa fo lay boo ƴut no yiif es, Rebeka a sutooxiida, a gadoox nqaw um. A gariida na cur alaa soo a ƴeew, um dalfooxin o lay ee: ‹Ngela ci’aam um yer.›

Mberaand 24:45 Referans Kwoze

A pi ake 10:30

Korney a laya yee: «Ñaal nahik key kaa andoona yee kaam xeɗoogu no mbind es na waxtu kirandax, na waxtu fene sax sax. Ñaal eetaand ne koy, a jeg’a o koor oxaa rokoox’ina ndoki naa na meleƈaa. A dalfooxa o geenoox mbaambir es,

Mace 7:7

«Nqeɗyo a Roog, too xan nu ci’el, mbaaƭyo too xan nu nga. Koŋ-koŋinyo, too xan nu mbetanel.

Dañel 9:23

Ye feroona xeɗaa a Roog, a jaaɓaang, too kaam gar ndax um yegnong o ten, yaam a fexaang. Ndiiki koy, dami fa lay fee, and mbeeñil ne.

Esayi 65:24

Boo da ngelko fo nqoyaxam sax, mi, xam jaaɓ a den, too boo da ngelko fo muukaa a qeƭ den, a soƥa jaɓaanum yaaga.

O leetar ole Pool a bindna GIMU WE NGENNA ROM 8:26

Neene koy Yiif Tedu le kaa garaa, a dimle’iid a in, in we neewna doole. I naangee o andaa sax ne i mbarna o nqeɗit a Roog, ndaa Yiif le fa xoox um kaa xeɗanaa a in fo a yuɗnax alaa waagaandeena o lay.

Dañel 9:19

O Yaal oxe, nan-gilooxi a in! O Yaal oxe, waasani a in! O Yaal oxe, rungi nof of! Wo Roog es, ñofi ƴufig teeru fee fa xeet fee jegoodoona, ndax gon of a niwel!»

Esayi 58:9

O Yaal oxe xan a jaaɓong, o xoyangaan. O ƴufginooxangaan, xan a layong ee: ‹Mexey.› O waasangaa ñagadil ƭomu ke me wo, waas lakas we o joxoñaa, waas ñu itam,

Nehemi 2:4

O maad oxe a laamtaxam ee: «Xar bugo bug um fi’anong?» Ndak fo ndak, xeɗaam a Roog fee na asamaan

2 Sami’el 7:27

O Yaal oxe Hupna fop, Roog fee Isra’el, wo fa xoox of o mat yegnaxam ee: ‹Xam maxanong mbind!› Ten taxu mi fee o tag of, um jeg njambaar naa diistoonga a qeƭ alene.

Mberaand 24:44

‹Yeri, too xam ƴeewan keeleemb ke wo› a ref o tew oxe o Yaal oxe a jilanna o ƥiy o ngoor onqe no yaal mbind es.›