Mberaand 24:42 - NQAARIIT NE ROOG

⁴² Xaye, ye fadiiduuma na cur alaa, layaam ee: O Yaal oxe Roog fee no yaal mbind es Abraham, a soƥangaa yee bugaa o feland a ñaaƈ ale mi leeke,

Mberaand 24:42 Referans Kwoze

Nehemi 1:11

Ey, o Yaal oxe, rungi nof of boog na qeƭ ale no tag of fo na le no dag of we mbugna o saɗarong! Xaye, fi’i boo fop no tag of a ñaaƴ ta daaw yirmande fee no maad oxe.» Mi reeƭu koy oxe na topatooxaa a yer ale no maad oxe.

O leetar ole Pool a bindna GIMU WE NGENNA ROM 1:10

Kaam gen no xeɗaa a Roog, ta ci’aam o wooƥ olaa ɗeettiiduuma a nuun, a felangaan.

A kim a tedu ke 90:17

Yaasam o paaxel ole no Yaal oxe Roog in a ref fa in! Saƭkandi jale na xa ƥay in. Kaam ee saƭkandi jale na xa ƥay in.

A kim a tedu ke 37:5

Ɓoxoti o Yaal oxe o ñoow of, hoolooxin, too xan a fi ke warna.

Esdaraas 8:21

Maaga, paam o xuluɓ olaa Ahawa heblitaam koor, ndax i neewandoox mbaambir Roog in, nqeɗin ta ci a in, in fo xa ƥiy in fo o jeg in fop, a ñaaƈ a pelu.

A pi ake 10:22

A ndoonaan ee: «Korney, o aa-adax no xiixire teemeed luliidu a in. O kiin o paax oo, a saɗar a Roog. Xeet faa no Yaawuur waa fop kaa seede’aa no ten paax. Malaaka Roog yegnun ee ta xoyniidong ndax o gar no mbind um boo ta waag o nan-giloox ke o laykan.»

Mberaand 39:3

O yaal mbind um a ga’a yee o Yaal oxe xey fa Yoseef, boo no kuu oxeene a ɓek’ina o ɓay um rek, o Yaal oxe a barke’in.

Mberaand 24:31

A layaan ee: «Gariidi wo fee o Yaal oxe a barke’na. Xar taxu sax o moof meeke? Jagandanaaxoong maa fe’oona too keeleemb ke wo sax a njega maa da ndefna.»

Mberaand 24:11

A yisna keeleemb ke tafil teeru fee paam a ngas no kirand ne, na waxtu fee rew we a ƈeewaa.

Mberaand 24:27

a lay ee: «O Yaal oxe Roog fee no yaal mbind es Abraham a hela o simatel, ten fee xañeerna o yaal mbind es o paaxel um fo ngor um. Mi fa xoox es sax o Yaal oxe a ɗoxiidaxam boo no mbind ne no fog we no yaal mbind es!»

1 Sami’el 1:13

Kaa ga’oogu muuceek um a yo’nooxaa rek, ndaa nanoogee dara, yaam Xaan kaa xeɗoogu taa no yiif um, soo Eeli a xalaataa yee kaa way.

1 Sami’el 9:6

O tag oxaa a doonaan ee: «Mee ndax sax a jega o kiin Roog oxaa genna na teeru fene i mbaambirna, too o kiin o cegu gon oo. Ke ta layaa fop, dara nee wataa teen. Fat i ndet maa ten. Xeƈa xan a lal a in a ƭat ale i mbarna o nqot.»