Mberaand 24:40 - NQAARIIT NE ROOG

⁴⁰ soo ta doonaam ee: ‹O Yaal oxe reefuuma o bug ole ten, xan a heblanong malaaka um, soo a feland a ñaaƈ ale wo. Xan o waaƭanit o ƥees o ngoor onqe o tew no mbaafaap es.

Mberaand 24:40 Referans Kwoze

A sutax ale 23:20

«Xam luliid malaaka ta adooxan a nuun soo a saytoox a nuun na ƭat ale. Xan a ɗox a nuun boo no saax le jagandanuuma a nuun.

A kim a tedu ke 16:8

Kaam jasnooraa fo o Yaal oxe kili. A fodangaam na ñamaak, tolofkiim muk.

A sutax ale 33:2

Xam luliid malaaka ta adooxan a nuun, too xam rax Kaakanaan we, Aa-amori we, Heeheet we, Peeperisi we, Hiihiwi we fo Yeeyebus we.

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Mberaand 5:24

Henok a ñaaƴa fa Roog, cinj kaaga, a naaga mes yaam Roog a yoɗin.

Mbeeñil 22:16

«Mi Yeesu, mi lulu malaaka es, ndax ta yegin a nuun keene fop kam pokatax ke no gimu we. O ndaan Dawid refum fo o xoor o maak ole ne’eena o Mbuŋa.»

Hebre 1:14

Xar malaaka ke a ndefu? Den fop a yiif akaa na mbaɗooxaa a Roog a ndefu, ta lulaa a den ndax da ƥisaa o ndimle me no we na ndaawkaa a muc ale.

Dañel 3:28

Nebukadnesaar a laya yee: «Roog fee Sadrak fa Mesak fa Abed-Nego a hela o simatel, ten fee luliidna malaaka um, ta mucil dag we ten ngoolooxuuna! Kaa ƭap kebil es, mi fee o maad, yaam o ƥoxot cer den a moƴan a den o faɗoox a roog fa lakas faa refeerna Roog den.

A kim a tedu ke 91:11

yaam xan a heblanong malaaka ke ten, ndax da saytooxang muu o jofaa.

A kim a tedu ke 1:3

Oxeene kiin kaa ref nen ndaxar njimbe paam o ƈufnand foofi, a rimaa na waxtu um, a gen no neepaa kili. No kuu ta rokna rek, xan a ñaaƴ.

2 Maad we 20:3

«Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

1 Maad we 8:23

a xeɗ ee: «O Yaal oxe Roog fee Isra’el, jegee roog faa nandna fa wo, ta ref na asamaan mbaat took lanq ke. Kaa o gayaa ngiɓoor ne fo o paaxel of a ndeer of fo dag of we ndamooxna na wo na qeeñ den fop.

Mberaand 48:15

A barke’a a Yoseef ee: «Yaasam Roog fee Abraham fa Isaak, we daan es a ñaaƴoogna mbaambir um, yaasam Roog fee na gayaxam no kaa xotitna no ñaal naa rimeema boo xaye,

Mberaand 24:7

O Yaal oxe Roog fee na asamaan suttaxama no mbind faap es fo no mbaafaap es, a layaam fo a taaƥ ee: ‹Saax lene xam ci’in xa taan of!› ten fa xoox um xan a heblanong malaaka um ta adooxanong. Maaga boog, o waaƭanitkaa o ƥees o tew.

Mberaand 6:9

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

Mberaand 5:22

Cinj o rimel ole Metuseela, Henok a ñaaƴa fa Roog xa kiid teemeed tadik, a jeg’a xa ƥiy xa koor fo xa ƥiy xa tew.

Mbeeñil 22:8

Mi Saŋ, mi nanu keene, too ga’in. Ye nananuuma, ga’in, naagaam giriƥriƥ na caf ake na malaaka fee lal’axama a den, ndax um faɗooxin.

1 Maad we 2:3

Nanani ke o Yaal oxe Roog of a heblitna, ñaaƴaa na ƭat um, gayaa ke ta dalinna, kebil um, bargal um fo fa lay um, ne ta bindteena na cangin ale Moyiis. Neene, xan o suur no fop ke o jeemkaa fo muu sagoona.

Mberaand 24:56

A doona a den ee: «Ba nu miñandaam a koƥ. Feek kañ o Yaal oxe a felanda a ñaaƈ ale mi, nqaƴyo rek um nomtoox maa no yaal mbind es.»

1 Maad we 3:6

Salomo a doonaan ee: «Lalaa o tag of Dawid fee faap es o paaxel of, yaam ne ta ñaaƴoogna mbaambir of fo o woor fo o cofel fo a ƭat. Xañino o paaxel o maak oleene too fi’aa boo o leng na xa ƥeem a moof no uum-maamaad le ten, ne i nga’tuuna xaye.