Mberaand 24:4 - NQAARIIT NE ROOG

⁴ Reti kañ no saax es, no mbaafaap es, o waaƭan a Isaak fee o ƥees o tew.»

Mberaand 24:4 Referans Kwoze

Mberaand 28:2

Inooxi ret Padan-Araam no mbind Betwel fee faap ya of, o waaƭit o tew a ndeer xa ƥiy xa tew axe Laban fee o camin ya of.

Mberaand 12:7

O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna.

Mberaand 11:25

Cinj o rimel ole Teerax, Nakoor a ñoowa xa kiid teemeed fo xa kiid xarɓaxay fo xa kiid ɓetaa nahaq, a jeg’a xa ƥiy xa koor fo xa ƥiy xa tew.

Hebre 11:15

Boo saax le da inoorna a sooɓ’ina a den, yaaga a njegkooga o daaw olaa da nqaaditna.

Mberaand 12:1

O Yaal oxe a laya a Abram ee: «Inooxi no saax of, kaam ee o inoox no mbaafaap of, waas mbind faap of, too ret no saax lakas le um lalkang.

Mberaand 24:5

O tag oxe a doonaan ee: «Xeƈa o tew oxe jaɓkee o yooniid fa mi no saax leeke, ndax kaam ɓiskaa o ƥeef no saax laa inooriidoona?»

Mberaand 28:1

Isaak a xoya a Yakoob, a barke’in, a asoortin ee: «Ba o xotit o tew no roog we no Kaakanaan we.

Haahate we 14:3

Faap um fa ya um a layaan ee: «Ndax kaa jegee o toog na qaw in mbaat na xeet fee in fop boo a tax o waaƭtikaa o tew maa no Fiifilista xucooxar weene? Kaa koy, Samson a laya a faap um ee: «Xeɗankaam o ten rek, yaam ten felaxam.»

Mberaand 24:38

ndaa kañ fat o ret no mbind faap es, no mbaafaap es, o waaƭanit maaga o ƥees o tew.›

2 Caloori ke 24:3

Yehoyada a waaƭana a Yowaas rew ɗik soo Yowaas a jeg xa ƥiy xa koor fo xa ƥiy xa tew.