Mberaand 24:35 - NQAARIIT NE ROOG

³⁵ O Yaal oxe a barke’a o yaal mbind es, too o kiin o maak oo ndiiki. O Yaal oxe a ci’aan a ked fo xa siir, xaaliis fa wurus, dag fo jeefeer, keeleemb fo xa paam.

Mberaand 24:35 Referans Kwoze

Mberaand 24:1

Abraham a nogoy’ata lool, too o Yaal oxe a barke’aan no kuu refna.

Mberaand 13:2

Abram a jeg’a halal tigi, ta ref no cegel, na xaaliis fo na wurus.

Xa peƭit axe 10:22

O Yaal oxe a barke’angaang, o jeg halal, a koorgoorlax of waagee o ɓaat teen tig.

A kim a tedu ke 107:38

O Yaal oxe a barke’a a den, da mayat, too xaƴee cegel den da kasaara’oox.

Mace 6:33

Eetyo mbaaƭ Maat ne Roog fo ke ta bugna, too keene fop, xan nu ndoonanel o ten.

A kim a tedu ke 18:35

Ten na aqataa xa ƥay es a ñoq, a dimle’axam um ɗaay a qali xanjar ale boo ta peŋ.

Mberaand 25:11

A cinj fa nqon fee Abraham, Roog a barke’a a Isaak fee o ƥeem gen’atna paam a ngas alaa Laxay-Ro’i.

Mberaand 12:2

Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa.

1 Timote 4:8

yaam a poƭtax cer a jega o njiriiñ ndaa mayee. O reef a Roog o mat, kaa jiriiñ no fop. Kaa fof ndegit ne no ñoow oleeke sax sax fo no ñoow ole na garaa.

A kim a tedu ke 112:3

Paax fo kalal ngenu no mbind um, too o cofel um kaa ref boo kili.

Ke bindeena no xe ne’eena YOB 1:3

a jeg cegel cuni ɓetuu ƭik na ked ake ten, keeleemb ke a ndef cuni tadik, qoox ke a ndef juni, soo xa paam xa tew axe a ndef teemeed ƥetik. Jaajal we no koor oxeene itam a siw’a lool, too ten moƴ’u o ref o siide no batand ne fop.

Mberaand 49:25

Kaam ee, Roog fee na faap of xan a ƴufgiidong, o Cegu katil oxe xan a barke’ong. Yaasam ta fod took-ee-took a barke’tiidong a teƥ fo itam poofi ke na juwaam fee fo xa ƥiy xa mayu fo xa siir xa pagkatar.

Mberaand 12:16

Abram o mat a dalne a paax yaam o tew oxe. A cooxe a ked fo xa siir fo xa paam fo faɗ goor fo rew fo xa paam xa tew fo keeleemb.

Xa peƭit axe 22:4

A neewandax fo o saɗar o Yaal oxe kaa rimaa halal fo o ndam fo o ñoow.

YEGIL MBAAX NE YEESU ne Lik a bindtuuna 12:45

Kaa koy, boo ta refna o paɗ oxaa na layaa taa no yiif um ee: ‹O yaal mbind es oxe miñaa a koƥ›, soo a refat no xawaa faɗ we ta doxneena, goor fo rew, a ñaamaa, a yeraa wayaa,

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

Mberaand 25:5

Abraham a ci’a a Isaak ke ta jeg’ina fop.

Mberaand 30:43

Yakoob kaa moƴ’u moƴ o jegaa halal. A jeg’a a ked a mayu, jeefeer fo dag, keeleemb fo xa paam.