Mberaand 24:32 - NQAARIIT NE ROOG

³² O koor oxe a gara no mbind naa. Laban a fudna suf ke soo a ci keeleemb ke daaƭ fo fo gooñ. A xafa foofi laa o koor oxe fo we ta yoonitna a ƥogitna a caf den.

Mberaand 24:32 Referans Kwoze

Haahate we 19:21

A ɓisa a den no mbind um soo a yipan xa paam axe fo gooñ. Ñaaƴ we a ƥoga a caf den, a ñaam soo a yer.

Mberaand 43:24

O koor oxaaga i ɓisa a den no mbind Yoseef, a xafan a den foofi da ƥog a caf den, soo ta yipan xa paam axe den fo gooñ.

Mberaand 18:4

Ngela cungyo foofi a ɓisiidel, nu ƥoganel a caf nuun. Ñootnooxafulyo yoora ndaxar neeke.

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

YEGIL MBAAX NE YEESU ne Lik a bindtuuna 7:44

Maaga, Yeesu a geleerooxa, a faambir fo o tew oxe, too a lay a Simoŋ ee: «Ga’aa o tew oxene? Rokaam no mbind of, too xafaniraamo foofi laa ɓogtuuma a caf. Ten o mat a xuƥanda a caf es fo xa kooniit um, soo a fortit a den wiil um.

Mberaand 19:2

Cinj kaaga, a laya yee: «Yaal we mi, ngela ngaryo no mbind no tag nuun, mbe maaga. Feek tige xe yengaa, xan nu mbaag o ƥoganel a caf, mbondoox boo yaa a kid a nqoolna, soo nu sog o suuraa.» A ndoonaan ee: «Ha’aa! No mbelaaƈ onqe i mbe’kaa.»

1 Sami’el 25:41

Abigayil a dalfooxa o gooknoox, a gung a lanq soo a lay a den ee: «Jaɓaam o ref o ceefeer no yaal es Dawid, jaɓ sax o ɓoganaa dag we ten a caf!»

Mberaand 24:33

Cinj kaaga, a diƈanaan ndax ta ñaam, ndaa o koor oxe a layaan ee: «Ñaamkiim a refangee kaa um lay ke ɓisiidaxama kañ!» Laban a doonaan ee: «Layi boog!»

Mberaand 29:13

Ndak fo ndak, ye a padiid ale Yakoob a naagna xot no yul nof Laban, a dalfooxa o ƴuf maa ten, a farakooxin. A ɓisiidaan no mbind naa, soo Yakoob a jangtooxin fop.