Mberaand 24:31 - NQAARIIT NE ROOG

³¹ A layaan ee: «Gariidi wo fee o Yaal oxe a barke’na. Xar taxu sax o moof meeke? Jagandanaaxoong maa fe’oona too keeleemb ke wo sax a njega maa da ndefna.»

Mberaand 24:31 Referans Kwoze

Ruut 3:10

Bowaas a layaan ee: «O ƥees, yaasam o Yaal oxe a barke’ong! O jaf of olene a lalta ngor of no ƥasil no seemir of kupu ke eetoona o fi, yaam waaƭiro maa bugritoona fo mboƥ ne, ta ref rool we mbaat yaal kalal ke.

Mberaand 26:29

Daaɓooxi yee fi’kiro a in paaxeer leng ne i toroxandteeroonga, a refangee o mbi’anong paax rek, soo nqaƴong o ret na jam. Ndiiki koy, o Yaal oxe a barke’aang.»

A kim a tedu ke 115:15

Yaasam o Yaal oxe sakna asamaan fo lanq a barke a nuun!

Haahate we 17:2

Na bes fa leng, a laya a ya um ee: «Wetandooxaa yee janganee xa monjong juni fo xa monjong teemeed xaaliis fa nqoolu too o saloox oxe janguuna mbaambir es. Mi o mat jangu xaaliis feene, oxaay fa mi.» Maaga, ya um a laya yee: «Yaasam o Yaal oxe a barke’ong, o ƥees!»

Xa peƭit axe 18:16

Neexil kaa wetanaa o yaal um a ƭat, a ɓisin me no wiin maak we.

Xa peƭit axe 17:8

A jega waa mboogna yee nger kaa ref ɓil laa na gartaa muud, muu da ndetna, a njeg ne da mbugna.

Mberaand 18:3

soo a lay ee: «O Yaal oxe, a soƥangaa yee daawaam yirmande of, ba o joon o paɗ of suuraa.

Mberaand 19:2

Cinj kaaga, a laya yee: «Yaal we mi, ngela ngaryo no mbind no tag nuun, mbe maaga. Feek tige xe yengaa, xan nu mbaag o ƥoganel a caf, mbondoox boo yaa a kid a nqoolna, soo nu sog o suuraa.» A ndoonaan ee: «Ha’aa! No mbelaaƈ onqe i mbe’kaa.»

Mberaand 19:3

Kaa koy, Lot a saya boo neen a njaɓatu o ndet no mbind um. A fi’ana a den a cu’ax, a juɗan a den puuru canja’e, soo da ñaam.

Mberaand 24:30

A ga’’a koy o heɗ ole fo xa ƈang axe no ɓay no cigeen um, too a nan’a a ƭelem ake Rebeka ye ta layna yee keene o koor oxaa a layaxam. Laban a gara, a soƥiid o koor oxe reeƭna paam keeleemb ke ten farna fo a cur alaa.

Mberaand 29:13

Ndak fo ndak, ye a padiid ale Yakoob a naagna xot no yul nof Laban, a dalfooxa o ƴuf maa ten, a farakooxin. A ɓisiidaan no mbind naa, soo Yakoob a jangtooxin fop.