Mberaand 24:3 - NQAARIIT NE ROOG

³ soo um daaɓooxnoorong no Yaal oxe Roog fee na asamaan, Roog fee no lanq ke yee waaƭanitkiro o ƥees o ngoor onqe o tew no Kaakanaan we genuuma a ndeer den.

Mberaand 24:3 Referans Kwoze

1 Korint 7:39

Mbanuu o tew a xesna boo a doloox, oxe no ƥaak boo yaa o kor um a xonkaa. Boo o kor um a xonna koy, a jegata a xoox um, too a waaga o dolnir fo xaa feluuna. Kaa koy, a narangaa o dolnir fo o lakas, fat a ref fo o kimu no Yaal oxe.

Nehemi 13:25

Xasanaam a den soo saloox a den. Xawaam leng-leng na den soo ɓuut wiil den. Cinj kaaga, daaɓooxnooraam a den no gon Roog da mbañ o ci’tat xa ƥiy den a tolax me no goor jan we mbaat da ngilgan xa ƥiy xa koor axe den mbaat a qoox den rew jan.

Mberaand 28:8

Neene, Esawu a and’ata yee roog Kaakanaan we mbel’ee a Isaak fee faap um.

Yeremi 10:11

Fat nu lay a den keeke: Roog ke sakeerna a asamaan mbaat lanq ke xan a mooc took lanq ke fo ɗuga asamaan fee.

2 Maad we 19:15

Maaga, a xeɗa mbaambir no Yaal oxe yee: «O Yaal oxe, wo Roog fee Isra’el, wo fee pindel yeeyetax ke a ndeegooxna uum-maamaad le wo, wo soom refu Roog fee no maat ke na adna fee fop, too wo saku asamaan fo lanq.

A sutax ale 34:16

Nu inoorangaa no keene, xan nu mbugan xa ƥiy xa koor axe nuun xa ƥiy xa tew axe den, too yaaga xan weene a njaga’aa fo roog ke den soo a ƥek teen xa ƥiy axe nuun.

Nehemi 9:6

Wo doŋ refu o Yaal oxe! Wo fi’u asamaan fee, asamaan fee took-ee-took fo katil ke ten fop, lanq ke fo ke refna teen fop, xa maag axe fo ke da mbofna fop. Wo na ñoownaa ke sakeena fop, too katil ke na asamaan mbaambir of a ngungaa.

2 Caloori ke 2:12

Ndiiki koy, mexe lultiidang o kiin o baane’u too a jeg o and, ta ref Huram-Abi

Yosuwe 2:12

Ndiiki koy, ndaaɓooxyo no Yaal oxe yee xan nu mbaax no ƥasil ne faap es ne faaxtuuma na nuun, soo cooxaam teen o anddiloor o xoolu.

A cangatin ale 10:20

Fat nu saɗar o Yaal oxe Roog nuun, mbaɗooxan, ndamoox no ten soo ndaaɓooxaa no gon um.

A cangatin ale 6:13

Fat nu saɗar o Yaal oxe Roog nuun, mbaɗooxan ten doŋ soo ndaaɓooxaa no gon um soom.

A lim ale 5:21

yaasam o Yaal oxe a salooxong, a xatnong, a uuf o fud of, soo xeet of fop a saloortaa gon of.

A sutax ale 23:13

Ngayyo fop ke layuuma a nuun. Ba nu ƈufginoox roog lakas ke. Kaam ee ba o leng a nanat a nuun nu ne’aa a kon den.»

A sutax ale 20:7

Ŋasitkiro gon le no Yaal oxe Roog of, yaam o Yaal oxe ñakkee o xaw oxe na ŋastaa gon um.

Mberaand 50:25

Yoseef a daaɓooxnoora xa ƥiy axe Isra’el ee: «A woora kañ ee xan Roog a ƴufgiid a nuun, fat boog nu sut xa kiiƈ es maa goƭna saax lene.»

Mberaand 27:46

Rebeka a laya a Isaak ee: «O ñoow kaa wataam xus nen ƈaq yaam roog we no Heeheet we. Boo Yakoob a waaƭitna o tew no roog we no Heeheet we ndefna no saax le, andiim xar deyum o ñoowaa!»

Mberaand 21:23

Ndiiki koy, daaɓooxi meeke no gon Roog ee naxkiraamo, naxkiro xa ƥees mbaat xa taan es, too xan o paaxel of a ref no saax leeke refiidoona o gataakoon, ne o paaxel ole mi a refitna fa wo.»

Mberaand 14:19

A barke’a a Abram ee: «Yaasam Roog fee Took-ee-took sakna asamaan fo lanq a barke a Abram!

Mberaand 6:4

Na jamaane faaga, wiin fodu ne sabab a ndeeƭa took lanq ke. Ye xa ƥiy xa koor axe Roog a ngiligna xa ƥiy xa tew axe no wiin we boo a ndim fa den xa ƥiy, weene ndeeƭu a salma-koor ake yaa fa yaaga.

Mberaand 6:2

xa ƥiy xa koor axe Roog a nga’a yee xa ƥiy xa tew axe no wiin we a mosa lool, a ndalfooxa o njil na xa ƥiy xa tew axeene rew, a ngilig a den.

Hebre 6:16

Boo wiin we a ndaaɓooxaa, kaa mbi’an no gon no xaa hupna a den, too keene a naaga o laltaa yee ñimatir den a ɗega.

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

Yeremi 12:16

Maaga, a aqatooxangaa a ƭat ake na xeet es, a ndaaɓoorit gon es ee: ‹Ne ta wooritna yee o Yaal oxe xe ñoowaa›, ne da njangnitna xeet es da ndaaɓooraa a Baal, xan a ndalnel a ndeer xeet es.

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

Esayi 65:16

Oxuu bugna o barke’el kam saax le, xan a xeɗin no gon Roog fa ndigil fee. Oxe na bugkaa o daaɓoox itam, xan a fi’in no gon Roog fa ndigil fee, yaam taamaala ke mbaafna xan a mbeectel, a mo mir na kid es.»

Esayi 48:1

«Nuun mbind Yakoob, nangilooxyo, nuun we na nqoyooxaa gon le Isra’el, soo mbaqaqoor na Yudaa. Kaa nu ndaaɓooraa gon le no Yaal oxe soo ne’aa a Roog fee Isra’el too refkee no ndigil fo no cofu.

Esayi 45:23

Daaɓoortaanum a xoox es, too fa lay es ndigil kak oo, dara teen suptooxkee: ‹Xan wiin we fop a ngooknoox mbaambir es, o don oluu refna a weejil ee

A kim a tedu ke 115:15

Yaasam o Yaal oxe sakna asamaan fo lanq a barke a nuun!

1 Sami’el 20:17

Yoonatan a daaɓooxnoora a Dawid no mbeq onqe da mbexirna, yaam kaa fexit’un nen a xoox um.

A paɗax ale 19:12

Nu ndaaɓooritkee gon es na xa maaƥ, yaam yaaga xan nu niwaƭar gon es. Mi refu o Yaal oxe Roog nuun.

A sutax ale 22:11

A soƥangaa koy ee kaa saganit njegel ne bo ta guuɗtel no mbind um, a wara o rabid o yaal um.

Mberaand 14:22

Abram a doona o maad oxe Sodoom ee: «Mexey jooxaa o Yaal oxe Roog fee Took-ee-took sakna asamaan fo lanq:

Mberaand 24:7

O Yaal oxe Roog fee na asamaan suttaxama no mbind faap es fo no mbaafaap es, a layaam fo a taaƥ ee: ‹Saax lene xam ci’in xa taan of!› ten fa xoox um xan a heblanong malaaka um ta adooxanong. Maaga boog, o waaƭanitkaa o ƥees o tew.

Mberaand 28:1

Isaak a xoya a Yakoob, a barke’in, a asoortin ee: «Ba o xotit o tew no roog we no Kaakanaan we.

Mberaand 47:31

Yakoob a layaan ee: «Daaɓooxeen!» Maaga, Yoseef a daaɓooxaan. Isra’el a gunga na caf njong um.

Haahate we 14:3

Faap um fa ya um a layaan ee: «Ndax kaa jegee o toog na qaw in mbaat na xeet fee in fop boo a tax o waaƭtikaa o tew maa no Fiifilista xucooxar weene? Kaa koy, Samson a laya a faap um ee: «Xeɗankaam o ten rek, yaam ten felaxam.»

A kim a tedu ke 136:26

Ngidimyo a Roog fee na asamaan, yaam o mbeq um xan a maadaa boo faw.

Mberaand 34:9

Nu mbaaga o ngiɓoor fa in na pexey ndolnir, nu ci a in xa ƥiy xa tew axe nuun, soo ngilig na xa ƥiy xa tew axe in.

Mberaand 38:2

Maaga, a ga’a o ƥiy o ndew no koor o Kaakanaan o ne’e Suwa. A gilgaan, soo a yoon fo ten.

1 Sami’el 30:15

Dawid a laamtaan ee: «Ndax jaɓaxamo o ɓis boo no faan yaayaq laaga?» O koor oxaa a doonaan ee: «O daaɓooxangaa mbaambir Roog ee warkiraamo, too ɓoxotkiraamo o yaal es, waagaaxoong o ɓis boo maa den.»

Esdaraas 5:11

Keeke refu ke da ndoonna a in: ‹In ndefu dag we Roog fee na asamaan fo lanq too kaa i maxatinaa Mbind Roog ne max’eena no camaane miñu kaa. O maad Isra’el o maak max’un boo a muukin.

Yeremi 29:6

Ngiligyo, ndimik xa ƥiy xa koor fo xa tew, ngilgan xa ƥiy xa koor axe nuun soo ci’it xa ƥiy xa tew axe nuun a tolax, ndax da ndim xa ƥiy xa koor fo xa tew. Mayƭandyo meene nu ndefna too ba nu mbañoox.