Mberaand 24:27 - NQAARIIT NE ROOG

²⁷ a lay ee: «O Yaal oxe Roog fee no yaal mbind es Abraham a hela o simatel, ten fee xañeerna o yaal mbind es o paaxel um fo ngor um. Mi fa xoox es sax o Yaal oxe a ɗoxiidaxam boo no mbind ne no fog we no yaal mbind es!»

Mberaand 24:27 Referans Kwoze

Mberaand 24:48

Cinj kaaga, ƴuugaam, gung mbaambir no Yaal oxe, gidim o Yaal oxe Roog fee no yaal mbind es Abraham, ten fee na ɗoxaxam fo ngor ndax um xotan o ƥiy o ngoor onqe no yaal mbind es o ƥiy o ndew onqe no ndeɓ um.

A kim a tedu ke 98:3

A wetandooxa o mbeq um fo ngor um no mbind Isra’el. Cat ke no lanq ke fop a nga’a a muc ale hatna na Roog in.

Mberaand 32:10

Yakoob a laya yee: «Roog fee no taan es Abraham, Roog fee na faap es Isaak, o Yaal oxe wo fee lay’axama yee: ‹Nomtooxi no saax of, no mbaafaap of, too xam fi’anong paax›,

Mberaand 24:12

Cinj kaaga, a laya yee: «O Yaal oxe, Roog fee Abraham fee o yaal mbind es, kaam xeɗang o xetandaam fo ke buguuma xaye too o lal a Abraham fee o yaal mbind es o paaxel of.

1 Sami’el 25:32

Dawid a doona a Abigayil ee: «O Yaal oxe Roog fee Isra’el a hela o simatel, ten fee luliidoonga na waxtu fene o xetiid fa mi!

Ruut 4:14

Naaga, rew we a laya a Nowemi yee: «O Yaal oxe a hela o simatel, ten fee ci’oonga xaye o ndaan onqaa na ñootinkang, too gon um a xaykaa kam Isra’el.

A sutax ale 18:10

Maaga, Yetro a laya yee: «Yaasam o Yaal oxe a simatel, ten oxe watna a nuun na xa ƥay axe no Miimisira we fo no ɓay Firawon fee, a wat xeet um na sañ-sañ fee no Miimisira we!

YEGIL MBAAX NE YEESU ne Lik a bindtuuna 1:68

«O Yaal oxe Roog fee Isra’el a hela o simatel, no ke ta fudooxiidna, a watiid xeet um.

Xa peƭit axe 3:6

Adneen no kuu o fi’aa, too xan a fodrand a ƭat of.

A kim a tedu ke 100:5

yaam o Yaal oxe a faaxa. O mbeq um xan a maadaa boo faw, too ngor um xan a ref no suk boo no suk.

2 Sami’el 18:28

Ye Ahimaas a fadiidna, a laya o maad oxe yee: «Daali maad, jook.» A dalfooxa naag giriƥriƥ, a gung mbaambir o maad oxe, a lay ee: «O Yaal oxe Roog of a hela o simatel, ten fee ɓoxotna na xa ƥay of, wo o maad oxe o yaal es, we siiknoor’ina fa wo.»

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.

Xa peƭit axe 8:20

Kaam ñaaƴaa na ƭat ale no ndigil ne, reefaa ndeer ee ndeer a qal ale no cofel ole,

A kim a tedu ke 68:19

Wo o Yaal oxe Roog, ŋaayaa took-ee-took, ndax o gen maaga, ɓisloox we ndameena, daaw wiin nen ci’it, bo no we siiknoor’ina fa wo sax.

1 Sami’el 25:39

Yaa Dawid a yegna yee Nabal a ñaka, a laya yee: «O Yaal oxe a hela o simatel, ten fee rabdinooxanaxama took Nabal no wen le ta wenaxama. A xañtaxam, mi fee o paɗ um, um fi paaxeer, soo a nomit a Nabal coxod um.» Cinj kaaga, Dawid a lula wiin da laamtik a Abigayil, ndax ta gilgin.

A sutax ale 2:13

No feet olaa, a sutooxa, a ga Hebre ɗik waa na nqasraa, too a laya oxe tooñ’ina yee: «Xar taxu o xawaa o kend of?»

A sutax ale 2:11

Ye Moyiis a retna koy boo a maak, a ɗeetka fog um too a ga’a calel ƭomu ke da mbi’oogna. Maaga, a ga’a o Miimisira xaa xawoogna o Hebre xaa ta fogitna.

Mberaand 24:42

Xaye, ye fadiiduuma na cur alaa, layaam ee: O Yaal oxe Roog fee no yaal mbind es Abraham, a soƥangaa yee bugaa o feland a ñaaƈ ale mi leeke,

Mberaand 24:21

O koor oxe kaa ɗeetoogun yaam a jaaxiɗ, a fañ o lay dara boo a ga ndax o Yaal oxe kaa felandoogu a ñaaƈ ale ten ndax nam.

Mberaand 24:4

Reti kañ no saax es, no mbaafaap es, o waaƭan a Isaak fee o ƥees o tew.»

Mberaand 14:20

Tedaanga a hela Roog fee Took-ee-took! Ten fee ɓoxotna fañ we wo na xa ƥay of.» Maaga, Abram a cooxaan a seek xarɓaxayandeer ale no ke ta jegna fop.

Mberaand 13:8

Abram a laya a Lot ee: «Ngela baa sufaaloor a ƭelem a jeg ndeer es fa wo mbaat ndeer gaynaak es fo we wo, yaam fog i ndefu.

Mberaand 9:26

A layahina yee: «O Yaal oxe Roog fee Seem a hela o simatel. Yaasam Kanaan a ref o paɗ Seem!

Mberaand 32:11

andaam ee o paaxel of fo ngor of ne lalaxamoona fop a njombaxam, mi fee o tag of. Ye jootuuma o xuluɓ ole Yordaan, retaa, o loq es rek saq’um, ndiiki koy mexe refata a yaj a ƭak.

A sutax ale 34:6

Maaga, o Yaal oxe a joonaan, a falalooxahin ee: «Mi yoo, mi o Yaal oxe refna Roog fa mayu yirmande, laabiir, muñantaa, may fo o paaxel soo gore.