Mberaand 24:15 - NQAARIIT NE ROOG

¹⁵ Ye ta maadna o layaa, Rebeka a fadiida. Rebeka koy kaa reeƭu o ƥiy Betwel fee o ƥiy Milka fa Nakoor fee o ndeɓ Abraham.

Mberaand 24:15 Referans Kwoze

Mberaand 11:29

Abram fa Nakoor a ngilga. O tew oxe Abram Saarayi a ne’’e, oxe Nakoor a ne’el Milka fee refna o ƥiy o ndew Haran fee rim’ina a Milka fa Yiska.

Esayi 65:24

Boo da ngelko fo nqoyaxam sax, mi, xam jaaɓ a den, too boo da ngelko fo muukaa a qeƭ den, a soƥa jaɓaanum yaaga.

Mberaand 24:45

Ye um helkaa fo lay boo ƴut no yiif es, Rebeka a sutooxiida, a gadoox nqaw um. A gariida na cur alaa soo a ƴeew, um dalfooxin o lay ee: ‹Ngela ci’aam um yer.›

Esayi 58:9

O Yaal oxe xan a jaaɓong, o xoyangaan. O ƴufginooxangaan, xan a layong ee: ‹Mexey.› O waasangaa ñagadil ƭomu ke me wo, waas lakas we o joxoñaa, waas ñu itam,

A kim a tedu ke 65:2

Wo Roog, kam teeru fee Siyoŋ i ngelaang o simat too mbadin a tegit in fa wo,

A kim a tedu ke 34:15

Fat o goƭatir fo paaxeer soo fi’aa paax, waaƭ jam soo reefanin.

A sutax ale 2:16

A jeg’a koy no saax laaga o saasadax oxaa jeg’ina xa ƥiy xa tew ɓetaa ƭaq. Xa ƥiy axeene a ƈeewiida palka ke, ndax da yerin ged le faap den.

Ruut 2:17

A gisaatooxooga kam o qol olaa boo no kirand naa, soo ta sug ke ta gisaatoox’ina. Ke ta jeg’ina na lorso, a fi’’a a qandi laa na yipaa ngap kilo qarɓeen tadik.

Ruut 2:2

Ruut o Moomowaab oxe a laya a Nowemi yee: «Xaƴaam um ret na xa qol axaa gisaatook xa yaƥ axe saasaxad we a nqaƴaa a cinj den. Yaakaaraam ee xam jeg oxaa ci’axama o ten.» Nowemi a doonaan ee: «O ƥees, reti!»

Mberaand 29:9

Ye ta maadna layaa fa den, Rakel a fadiida fo ged le faap um, yaam ten reeƭu o kaynaak oxe.

Mberaand 24:24

O toog oxe a doonaan ee: «O ƥiy Betwel fee o ƥiy Milka fa Nakoor refum.»

Mberaand 11:27

Keeke ndefu a kon ake na xa taan axe Teerax: Teerax rimu a Abram, Nakoor fa Haran, soo Haran a rim a Lot.

Xa peƭit axe 31:27

Kaa yetooxaa ke na xewaa no mbind um, too mbeeñaak matkiran.

Mberaand 21:14

Abraham a inooxa ƥiiɓ teel, a xot puuru fo mboxos, a cooxin a Agaar ta gadooxin. A cooxaan itam o goor ole, soo a raxin. Agaar a reta, a mo’ik kam a koƥ-a-ƥor alaa Beer-Seeba.

Mberaand 24:14

Fat o toog oxe um laykaa yee ‹Ngela ci’aam um yer!›, soo ta doonaam ee: ‹Yeri, o ƴutangaa um yerin keeleemb ke wo›, a ref oxe jagandanoona o tag of Isaak! Neene um anditkaa yee lalaa o yaal mbind es o paaxel of.»

Mberaand 25:20

Isaak a jeg’a xa kiid qarɓeen nahik ye ta giligna a Rebeka fee o ƥiy Betwel o Aa-araam oxe gen’ina Padan-Araam, too a ref o cigeen Laban o Aa-araam oxe.

Mberaand 29:5

A ɓaata laamit a den ee: «Ndax nu anda a Laban fee o ndaan Nakoor?» A ndoonaan ee: «Ii, i andaan de!»