Mberaand 24:12 - NQAARIIT NE ROOG

¹² Cinj kaaga, a laya yee: «O Yaal oxe, Roog fee Abraham fee o yaal mbind es, kaam xeɗang o xetandaam fo ke buguuma xaye too o lal a Abraham fee o yaal mbind es o paaxel of.

Mberaand 24:12 Referans Kwoze

Mberaand 24:27

a lay ee: «O Yaal oxe Roog fee no yaal mbind es Abraham a hela o simatel, ten fee xañeerna o yaal mbind es o paaxel um fo ngor um. Mi fa xoox es sax o Yaal oxe a ɗoxiidaxam boo no mbind ne no fog we no yaal mbind es!»

2 Maad we 2:14

A xawta foofi le sabadoor ne Eliya a xaƴ’ina ta sam, soo a lay ee: «Taa o Yaal oxe Roog fee Eliya, ten oo?» Ten itam a xawa foofi le, ta xaajoox, soo ta xaañ.

A sutax ale 3:15

Roog a layahina a Moyiis ee: «Fat o lay Ii-isra’el we yee: ‹O Yaal oxe refna Roog fee no daan we nuun, a ref Roog fee Abraham fa Roog fee Isaak fa Roog fee Yakoob, luliidaxam me nuun.› Keene refu gon es bo na moos boo moos. Kaam ee keene refu gon le um bugko xoyeel no suk nuu refna.

A sutax ale 3:6

Maaga, a ɓaata teen ee: «Mi refu Roog fee na faap of, ref Roog fee Abraham fa Roog fee Isaak fa Roog fee Yakoob.» Moyiis a muurooxa, yaam kaa saɗaroogu o ɗeet a Roog.

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Mberaand 24:48

Cinj kaaga, ƴuugaam, gung mbaambir no Yaal oxe, gidim o Yaal oxe Roog fee no yaal mbind es Abraham, ten fee na ɗoxaxam fo ngor ndax um xotan o ƥiy o ngoor onqe no yaal mbind es o ƥiy o ndew onqe no ndeɓ um.

Mberaand 24:42

Xaye, ye fadiiduuma na cur alaa, layaam ee: O Yaal oxe Roog fee no yaal mbind es Abraham, a soƥangaa yee bugaa o feland a ñaaƈ ale mi leeke,

Filip 4:6

Ba nu nqalam dara! No kuu refna, ndiisyo a Roog coxla nuun, nqeɗaa, nqeɗooxaa, too ngidman itam.

Mace 22:32

‹Mi refu Roog fee Abraham fa Roog fee Isaak fa Roog fee Yakoob.› Roog refee Roog fee no xon we, ndaa Roog fee no ñoow we.»

Xa peƭit axe 3:6

Adneen no kuu o fi’aa, too xan a fodrand a ƭat of.

A kim a tedu ke 127:1

A kim no ñaañaaƴ we yoo, a fog na ke Salomo. Boo o Yaal oxe a maxeerna mbind ne, we na maxan kaa yaqaa doole den. Boo o Yaal oxe a yetooxeerna teeru fee, oxe na yetooxan kaa yaqaa o ƭaan um.

A kim a tedu ke 122:6

Salanyo a Yeerusaleem jam! Wo Yeerusaleem, yaasam we mbexoonga a ñoowaa no yaadax!

A kim a tedu ke 118:25

O Yaal oxe, ngela mucli a in! O Yaal oxe, ngela ci’i a in fo jem!

A kim a tedu ke 37:5

Ɓoxoti o Yaal oxe o ñoow of, hoolooxin, too xan a fi ke warna.

Nehemi 2:4

O maad oxe a laamtaxam ee: «Xar bugo bug um fi’anong?» Ndak fo ndak, xeɗaam a Roog fee na asamaan

Nehemi 1:11

Ey, o Yaal oxe, rungi nof of boog na qeƭ ale no tag of fo na le no dag of we mbugna o saɗarong! Xaye, fi’i boo fop no tag of a ñaaƴ ta daaw yirmande fee no maad oxe.» Mi reeƭu koy oxe na topatooxaa a yer ale no maad oxe.

1 Maad we 18:36

Yaa waxtu faa sadax fee a wareena o ɓoxot a fadna, Eliya a matiida o sadaxand ole, a lay ee: «O Yaal oxe, wo Roog fee Abraham fa Isaak fa Yakoob, feeñli xaye yee wo refu Roog kam Isra’el, um ref o tag of, too na pexey fa lay of um fi’taa kene fop.

Mberaand 43:14

Yaasam Roog o Cegu katil oxe a fi boo o koor oxeene a jeg o liir na nuun, soo a xaƴ o pog faap oxe nuun fa Bensame da nomtooxiid fa nuun! Mi o mat, a soƥangaa yee kaam war o xaajel fo xa ƥees, fat um xaajel fa den.»

Mberaand 32:9

Boo Esawu a garna, a yen took a leng na qaaj ake, ale yoqna xan a waag o daɗ.

Mberaand 31:42

Boo Roog fee no taan es, Roog fee Abraham refna ref fee Isaak a faɗooxaa, a farit’eeraxama, raxkoogaxamo xa ƥay xa ƥor. Roog kaa ga coono es fo jale es, ten taxu ta maƭooxong no yeng ole faafna.»

Mberaand 28:13

O Yaal oxe koy, kaa geenoox’u paam um, soo a layaa yee: «Mi refu o Yaal oxe Roog fee no taan of Abraham, Roog fee Isaak. Lanq ke wondooxoona, xam ci’ong a den, wo fo xa taan of.

Mberaand 27:20

Isaak a laya o ƥeem ee: «Heey! O ƥees, ñofaa boo jeg!» Yakoob a doonaan ee: «O Yaal oxe Roog of xawrandaxam fo ten.»

Mberaand 27:10

Cinj kaaga, o ɓisanin a faap of ta ñaam, ndax ta barke’ong bo ta helko fo xonaa.»

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

Mberaand 24:21

O koor oxe kaa ɗeetoogun yaam a jaaxiɗ, a fañ o lay dara boo a ga ndax o Yaal oxe kaa felandoogu a ñaaƈ ale ten ndax nam.

Mberaand 32:10

Yakoob a laya yee: «Roog fee no taan es Abraham, Roog fee na faap es Isaak, o Yaal oxe wo fee lay’axama yee: ‹Nomtooxi no saax of, no mbaafaap of, too xam fi’anong paax›,