Mberaand 22:9 - NQAARIIT NE ROOG

⁹ Ye da mbadiidna no mbiñ onqe Roog a layuuna, Abraham a fi’a o sadaxand, soo a doon xa cuuƭ axe took fee. Cinj kaaga, a dura a Isaak fee o ƥeem, soo a doonin took xa cuuƭ axe no sadaxand ole.

Mberaand 22:9 Referans Kwoze

Saak 2:21

Nam Roog a ɗeetit’u a Abraham fee o taan in nen o cofu? Mee ndax na pi um a reeƭu, ye ta ɓoxotna a Isaak fee o ƥeem took o sadaxand olaa.

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

Hebre 9:28

Neene itam, Kiristaa a ɓoxote nen sadax jaf leng kut, ndax ta forit pakaad no wiin mayu. Xan a feeñ jaf ɗikandeer, refee koy ee ndax ta forit pakaad, ndaa ndax ta mucil we ndefna no cungan.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Galati 3:13

Kiristaa a wata a in na salax ale no kebil ke, ye ta salooxeena, ten fa xoox um yaam in, ne ta bindteena yee: «Oxuu rengeena took a teex, a salooxe.»

A pi ake 8:32

Keeke refu fa lay fee na Pind a Tedu ke ta jangoogna: «Kaa nand fo mbaal naa na ɓiseel no warand, nen o mbaal onqaa muumna mbaambir no xe na ruusan, too yaƥatee o don um sax.

Mark 15:1

No nqes naa, yaa mbeet naa a xoolaa, saasadax maak waa a mbokatoora fo maak waa fo jaajangin waa no kebil ke fo Mal maak ne fop, ndax da ƭaap pexey den. Yaa da ngumna a Yeesu boo a ƈut, a ƥisaan, soo a ƥoxotin a Pilaat.

Mace 27:2

Yaa da ngumuuna boo a ƈut, a ƥisaan soo a ƥoxotin a Pilaat fee reeƭna gofornoor.

A kim a tedu ke 118:27

O Yaal oxe refu Roog too kaa meleƈnaa took in a qoolaand um. Pokooxyo a naaq, mbumbaayaa, mbi a yaj boo na xa can axaa no sadaxand ole.

Mberaand 12:7

O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna.

Mberaand 8:20

Nowe a maxana o Yaal oxe o sadaxand, a xot no muumeen qoolu ke fop fo no tiiƭ qoolu ke soo a ɓoxot sadax toxel took o sadaxand ole.

Mberaand 12:8

Cinj kaaga, a ɗisa ƭiif ke ten, ndax ta ret na xa coong axaa no batand naa Betel. A sipa ƭiif um ndeer Betel refna no mudand fa Ay refna no batand. A maxana o Yaal oxe maaga o sadaxand, soo a ƴufginoor gon le no Yaal oxe.

Mberaand 13:18

Maaga, Abram a ɗisa ƭiif ke ten, a geniid no kariñ ke Mamre paam Hebron, a maxan o Yaal oxe maaga o sadaxand.

Mberaand 22:8

Abraham a doonaan ee: «O ƥees, Roog na waaƭankaa a xoox um mbaal ne na sadax fa ndoxel fee.» Den ɗik fop a ndefa no ñaaƴaa.

Mberaand 22:10

Abraham a letna o ɓay um, a xot japil fee, ndax ta xiris o ƥeem.

1 Maad we 18:33

A xendanda xa cuuƭ axe, a ɗeg nqoox ne teɓ-reɓ soo a doonin took xa cuuƭ axe.