Mberaand 22:8 - NQAARIIT NE ROOG

⁸ Abraham a doonaan ee: «O ƥees, Roog na waaƭankaa a xoox um mbaal ne na sadax fa ndoxel fee.» Den ɗik fop a ndefa no ñaaƴaa.

Mberaand 22:8 Referans Kwoze

YEGIL MBAAX NE YEESU ne Saŋ a bindtuuna 1:36

Yaa ta ga’na Yeesu a joonaa, a laya yee: «Nga’yo o Mbaal onqe Roog!»

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

Mbeeñil 5:12

Kaa ngimoogu fo o ñuxur o maak ee: «O Mbaal onqe war’eena a hela o daaw katil fa halal fo o and fa doole fo o niwel fo o ndam fo a simat.»

Mberaand 18:14

Ndax a jega kaa xoxna o Yaal oxe. Xam nomtooxiid meen na waxtu feeke mbaan, too xam soƥ Saara a jeg o ƥiy o ngoor.»

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Mace 19:26

Yeesu a ɗeeta a den, too a lay a den ee: «Wiin we mbaagiran, ndaa Roog o mat, dara xoxiran.»

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

Mbeeñil 5:6

Yaa kaaga a faafna, ga’atinaam o Mbaal onqaa geenooxna a ndeer ee ndeer gamb no maad le, pindel nahik ke fo maak we a ndeerin. O Mbaal onqe kaa nandtoogu nen kaa war’eena. Xa can ɓetaa ƭaq fo a kid ɓetaa ƭaq a saq’u, ndefna ndef a yiif ɓetaa ƭaq ake Roog, luliideena took lanq ke fop.

2 Caloori ke 25:9

Amatsiya a laya o kiin Roog oxe yee: «Nam um fi’kaa koy fa xaaliis fee cooxuuma xiixire weene?» A doonaan ee: «O Yaal oxe a jega pexey naa ta ci’toonga kupu keene.»

Mberaand 22:7

Maaga, Isaak a laya a Abraham fee faap um ee: «Ndi baa!» Ta doonin ee: «Oow!» Isaak a layin ee: «Mi de kaam ga i saq xa cuuƭ fo keƥandir, ndaa taa mbaal ne na sadaxitkeel?»

Mberaand 22:9

Ye da mbadiidna no mbiñ onqe Roog a layuuna, Abraham a fi’a o sadaxand, soo a doon xa cuuƭ axe took fee. Cinj kaaga, a dura a Isaak fee o ƥeem, soo a doonin took xa cuuƭ axe no sadaxand ole.

Mberaand 22:14

Abraham a ne’a o mbiñ onqaaga Yahwe-Yiree. Ten taxu ta layeel boo xaye yee: «Xan pexey a jeg no joong ole no Yaal oxe.»

2 Maad we 2:6

Eliya a layahina a Eliise yee: «Yoqi mene, yaam o Yaal oxe kaa lulaam no xuluɓ olaa Yordaan.» Eliise a doonaan ee: «Ne ta wooritna yee o Yaal oxe xe ñoowaa too woxey ñoowaa, neene a woortu yee xaƴkiroong.» Maaga, den ɗik fop a nqotahina a ƭat.