Mberaand 22:7 - NQAARIIT NE ROOG

⁷ Maaga, Isaak a laya a Abraham fee faap um ee: «Ndi baa!» Ta doonin ee: «Oow!» Isaak a layin ee: «Mi de kaam ga i saq xa cuuƭ fo keƥandir, ndaa taa mbaal ne na sadaxitkeel?»

Mberaand 22:7 Referans Kwoze

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

YEGIL MBAAX NE YEESU ne Saŋ a bindtuuna 18:11

Yeesu a laya a Piyeer ee: «Nomti laƥ ne no xool um. Ndax kaa yerkiim o kaas coono le Faap fee a sepaxama?»

Mace 26:42

A dakooxa o riƈatoox jaf ɗikandeer, soo a xeɗ ee: «Faap, o kaas coono lene a waagangee riƈatoox too yerinum, fat ke bugoona a jeg.»

Mace 26:39

Yaa ta retna boo a goƭ o ndik, a gooknooxa, a gung, too a xeɗa a Roog ee: «Faap, a waagangaa jeg, fat o kaas coono lene a riƈatoox boo yerkinum. Kaa koy, baa jegit ne bugtanuuma, ndaa ne bugtanoona.»

A sutax ale 12:3

Layyo xeet fee Isra’el fop ee no ñaal xarɓaxayandeer ne no nqool onqene, fat oxuu refna a waaƭan ƥasil um o njuk o leng.

Mberaand 8:20

Nowe a maxana o Yaal oxe o sadaxand, a xot no muumeen qoolu ke fop fo no tiiƭ qoolu ke soo a ɓoxot sadax toxel took o sadaxand ole.

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

YEGIL MBAAX NE YEESU ne Saŋ a bindtuuna 1:36

Yaa ta ga’na Yeesu a joonaa, a laya yee: «Nga’yo o Mbaal onqe Roog!»

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Mberaand 22:8

Abraham a doonaan ee: «O ƥees, Roog na waaƭankaa a xoox um mbaal ne na sadax fa ndoxel fee.» Den ɗik fop a ndefa no ñaaƴaa.

A sutax ale 29:38

«Bes fuu refna, fo mbaal fo ƭik naa onquu refna na den a jegna o hiid a mbare o ndox took o sadaxand ole. Baa timis koy fe.