Mberaand 22:5 - NQAARIIT NE ROOG

⁵ Maaga, Abraham a laya dag we ten ee: «Cungyo a in mene fo o faam ole, soo mi fo o goor ole i mbaɗook a Roog maana. Cinj kaaga, xan i nomtooxiid me nuun.»

Mberaand 22:5 Referans Kwoze

Hebre 11:19

Abraham a xalaata yee Roog a jega sañ-sañ faa ta xontooxnooritna oxaa xonna. Neene, Abraham a daawatin’a a Isaak nen o qontooxu.

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

Mberaand 22:4

No ñaal ndadkandeer naa, Abraham a yoɗa a kid um, soo a ƴook o mbiñ onqe koƭu.

Mberaand 22:6

Abraham a janga xa cuuƭ axe na ndoxitkeel sadax fee, a roxondin a Isaak fee o ƥeem, a saq japil fee fo fiɗel le. Den ɗik fop a nqota a ƭat.

Mberaand 22:19

Abraham a nomtooxiida me no dag we ten, soo da yoon, a nqaad Beer-Seeba, yaam maaga Abraham a genoogu.

A sutax ale 24:14

Ye da ngelkaa fo ndet, Moyiis a laya maak waa yee: «Cungyo a in meeke bo i ndet too ngar. Aaroon fa Xuur xan a yoq fa nuun. Oxuu jegna soxla faa ta bugeena o ɗaxan, fat a diisin a den.»