Mberaand 22:18 - NQAARIIT NE ROOG

¹⁸ Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

Mberaand 22:18 Referans Kwoze

A pi ake 3:25

Nuun ndefu xa ƥiy axe no duleer we, too nu mboga no ngiɓoor ne Roog a dalin’ina fo daan we in, ye ta layna a Abraham ee: ‹O ndaan of a cur barke a refkaa no ƥasil ke na adna fee fop.›

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

Galati 3:16

Ke regteena koy, Abraham fo o ndaan um njegun, yaam a Pind a Tedu ke layee yee «fo xa taan um» nen yaa ta jeg’ina xa taan xa mayu, ndaa o leng kut a ne’oogu, ye ta layna yee «fo o ndaan of», ta ref Kiristaa.

Yeremi 7:23

Kaa kañ keeke heblum a den: Nan-gilooxyo o ñuxur es, too xam ref Roog nuun, nu ndef xeet es. Ñaaƴyo na ƭat ake simuuma a nuun fop, ndax nu ƭaay.

Mberaand 18:18

Xan Abraham a ref o taan no xeet fa maak fa njegu doole, too qeet ke no lanq ke fop no ten a mbarke’itkeel.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

A kim a tedu ke 72:17

Gon um ñufkee boo muk, too ten adooxu meen njeeƈ ne. Xan wiin we a mbarke’teel gon um, a saax ake fop a ƭaayit no ten.

O leetar ole Pool a bindna GIMU WE NGENNA ROM 1:3

Yegnit um neene koy, kaa jof no Ƥeem onqe fogna no kurcala le Dawid no fo ɓaal,

Galati 3:18

A soƥangaa yee lam ne no kebil ke a reefande, yaaga ndegit ne waagee o tax o kiin a daawin, too naaga a reeƭit’u a ndeer Roog fa Abraham.

1 Sami’el 2:30

Feek neene yoo koy, kene refu ke um yegnang, mi o Yaal oxe Roog fee Isra’el: Kaam reg’u ƥasil of, na carind ale fogoona yee: Saasadax es nu mbugko ndefaa boo kili, ndaa ndiiki koy, kaam yegnang a qoolu yee refkatee neen boo muk, yaam o mat, kaam niwaa we na niwaxam, ndaa we ndeɓaxama, kaam deɓatinaa a den itam.

Mberaand 22:10

Abraham a letna o ɓay um, a xot japil fee, ndax ta xiris o ƥeem.

Mberaand 22:3

Abraham a inooxa ƥiiɓ teel, a humin o faam um, soo a yoon fo dag ɗik fa Isaak fee o ƥeem. A seɓa xa cuuƭ axaa ta doxitna sadax fee, soo a xot a ƭat ndax ta ret no mbiñ onqe Roog a lay’uuna.

Mace 1:1

Daan we Yeesu Kiristaa fee refna o ndaan Dawid fo o ndaan Abraham a mbinde no safe leeke. Daan weene ndefu:

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

Mberaand 28:14

Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

Mberaand 12:2

Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa.

A sutax ale 7:6

Maaga, Moyiis fa Aaroon a mbi’a deŋ ke o Yaal oxe a hebilna a den.