Mberaand 22:16 - NQAARIIT NE ROOG

¹⁶ a layin ee: «Mi o Yaal oxe, mexe daaɓoortan a xoox es ee: Feek fi’aa keene too xañiraamo o ƥiy o leng kut onqe jegoona,

Mberaand 22:16 Referans Kwoze

YEGIL MBAAX NE YEESU ne Lik a bindtuuna 1:73

a reefandin no ke ta daaɓoox’ina fa Abraham fee o taan in.

A kim a tedu ke 105:9

Ten refu ngiɓoor ne ten fa Abraham, soo a woornitin a Isaak fo a taaƥ.

Yeremi 51:14

O Yaal oxe Hupna fop a daaɓoortaan a xoox um ee: «Xam mayƭandong fo fañ nen tooroog, too xan a njibin took of xa ƈeel o ndam.»

Yeremi 49:13

Mi o Yaal oxe mexe daaɓoortan a xoox es ee Bosra, teeru fa maak fee wo, xan a wootat, a niwaƭarel, a fes a pec, a saloorteel. Teeru ke ta waxooxna fop itam, xan a mbes a pec boo faw.»

Esayi 45:23

Daaɓoortaanum a xoox es, too fa lay es ndigil kak oo, dara teen suptooxkee: ‹Xan wiin we fop a ngooknoox mbaambir es, o don oluu refna a weejil ee

Mberaand 12:2

Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa.

Amos 6:8

Mi o Yaal oxe na refkaa boo faw, ref Roog fee Hupna fop, mexe daaɓoortaa a xoox es ee: «A magnandax ale Yakoob a feƭaraxam lool, too bugiim o doon a ngid pind ke saŋe a yetooxaa o mosel den. Ten taxu xam fi wiin jan a ngar, a njaɓ saax le fo ke refna teen fop.

Mberaand 22:2

Roog a layaan ee: «Jangi o ƥiy o leng kut onqe jegoona, Isaak fee fexoona fex, o ret no saax laa Moriya ɓoxotin maaga, nen sadax fa ndoxel took o leng na xa coong axe um lalkang.»

Mberaand 22:12

Malaaka fee a layaan ee: «Ba o ɓay of a fad no goor ole, too ba o fi’in dara! Ndiiki koy andaam tigi yee saɗaraa a Roog, too xañiraamo o ƥeef o leng kut onqe jegoona.»

Mberaand 22:15

Malaaka fee no Yaal oxe a foda na asamaan, a xoy a Abraham jaf ɗikandeer,

Mberaand 26:3

Moofi no saax lene. Xam ref fa wo, too xam barke’ong, yaam cooxe kene fop, xam cooxong o ten, wo fo xa taan of, too xam gay a taaƥ ale fi’uuma fa Abraham fee faap of.

Mberaand 26:5

yaam Abraham a nanana o ñuxur es, a gay bargal es, kebil es, ke simtuuma fo ke dalnuuma.»

A sutax ale 2:24

Ye Roog a nanna xa iin axe den, a wetandooxa ngiɓoor ne ten fa Abraham fa Isaak fa Yakoob.

A sutax ale 17:16

A ɓaata teen itam ee: «Feek Amalek kaa yoɗ o ɓay um, a siiknoor fo uum-maamaad le no Yaal oxe, xan o Yaal oxe a ñoxoraa fo Aa-amalek we no suk nuu refna.»

A sutax ale 32:13

Wetandooxi a Abraham fa Isaak fa Isra’el, dag we wo daaɓooxoona wo fa xoox of ee: ‹Xam saqtin xa taan nuun, da mayit nen xa qoor axe na asamaan, coox a den saax le regtuuma, da njegkin boo faw.› »

1 Caloori ke 16:16

Ten refu ngiɓoor ne ten fa Abraham, soo a woornitin a Isaak fo a taaƥ.

Yeremi 22:5

Kaa koy, nu nan-gilooxangee fa lay feene, mexe daaɓoortan a xoox es o mat ee xan mbind nene a fes a pec.» O Yaal oxe layun.

Yeremi 44:26

Ten taxu nuun Yuuyudaa we ngenna no saax le Misira, nan-gilooxyo ke um layaa, mi o Yaal oxe: Mexe daaɓoortan gon maak le mi yee kam saax le Misira fop o leng ƴufginoorkatee gon es, ndax ta daaɓoox ee: ‹Ne ta wooritna yee o Yaal oxe na refkaa boo faw oxe ñoowaa.›

Heseki’el 16:8

Reefaam paam of, too ga’aam ee fadaa o doloox. Maaga, ñiraaxoong sabadoor ne mi, ndax um muur cer ƥor of. Daaɓooxaam fa wo, hiɓoor fa wo, soo o refanaam. Mi o Yaal oxe na refkaa boo faw layun.

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.